ޕީއެސްއެމްގެ ދިވެހި ރާއްޖޭގެ އަޑުން ގެނެސްދޭ "އަހާށޭ ބުނާނަން" ޕްރޮގްރާމްގައި އެހުންތެރިއަކު ކުރި ސުވާލަކަށް ޖަވާބުދެއްވަމަުން މިނިސްޓަރު އިމްރާން ވިދާޅުވީ މީގެ ކުރިން ޖަލުގައި ހުއްޓާ ޖަލުގެ ގޮޅިއަށް ވެއްޓުނު ފަހުން އަދީބު ނިދުމަށް ވަކި މެޝިނެއް ޑޮކްޓަރު ދެއްވާފައިވާ ކަމަށެވެ.
އަދި ގެއަށް ދޫކޮށްފައިވަނީ އެމެޝިނަކީ ޖަލުގެ ތެރޭގައި ބޭނުންކުރެވޭގޮތަށް ހުރި މެޝިނެއްކަމަށް ނުވަތީ ކަމަށް އިމްރާން ވިދާޅުވި އެވެ.
މިނިސްޓަރު ވިދާޅުވީ އަދީބުގެ ނިދުމުގައި މައްސަލަތަކެއް ހުންނަ ކަމަށެވެ. އަދި ފުއްޕާމެއާއި ގުޅުންހުރި ނޭވާލުމުގެ މައްސަލަތަކެއް ހުރިކަމަށް ޑޮކްޓަރުން ދެއްވާފައިވާ ލިޔެކިއުންތަކުގައިވާ ކަމަށް ވެސް މިނިސްޓަރު ވިދާޅުވިއެވެ.
އެމްއެމްޕީއާރްސީގެ ހިޔާނާތުގެ މައްސަލައިގައި އަދީބުގެ މައްޗަށް 20 އަހަރުގެ ޖަލު ހުކުމެއް އިއްވާފައި ވަނީ މިމަހުގެ ފަސްވަނަ ދުވަހުއެވެ. އެހެންނަމަވެސް އޭގަފަހުން މިމަހުގެ ހަތްވަނަ ދުވަހު އަދީބު ވަނީ ގޭބަންދަށް ބަދަލުކޮށްފަ އެވެ.
