މީޑިއަމް ޕްރައިވެޓް ލިމިޓެޑުން އިންތިޒާމް ކުރާ "މެރިން އެކްސްޕޯ 2020" މިއަހަރު ބާއްވަން ނިންމާފައިވަނީ އަންނަ ޑިސެމްބަރު މަހުގެ 20 ވަނަ ދުވަހުން ފެށިގެން 24 ވަނަ ދުވަހުގެ ނިޔަލަށް ވާޗުއަލްކޮށެވެ.
މިއަހަރުގެ އެކްސްޕޯގެ ތީމްއަކީ "ސެލެބްރޭޓިން މެރިން ހެރިޓޭޖް" އެވެ. އެ އެކްސްޕޯގެ ތެރެއިން މާކެޓިން ކެންޕެއިނެއް ފެށުމަށް ރާވާފައިވާއިރު އެ އެކްސްޕޯގެ ވާޗުއަލް އެޑިޝަންގައި ބޯޓިން އެވޯޑު ދިނުމަށްވެސް ވަނީ ހަމަޖައްސާފަ އެވެ.
މެރިން އެކްސްޕޯ މެރިން ދާއިރާގައި މަސައްކަތްކުރާ ދިވެހި އަދި ބޭރުގެ ފަރާތްތަކަށް، އެފަރާތްތަކުގެ އުފެއްދުންތައް ބައިނަލްއަގްވާމީ ޕްލެޓްފޯމެއްގައި ދައްކާލުމުގެ ފުރުސަތު ފަހިކޮށްދިނުމުގެ ގޮތުން ކޮންމެ އަހަރަކުވެސް ބާއްވާ އެކްސްޕޯއެކެވެ. މި އެކްސްޕޯގެ ސަބަބުން ބޯޓިން ދާއިރާގައި މަސައްކަތްކުރާ ފަރާތްތައް އެއްތަނަކަށް އައިސް އެ ފަރާތްތަކުގެ ޕްރޮޑަކްޓް ޕްރޮމޯޓްކުރުމަށް އެހީތެރިވެދޭނެކަމަށް އެންބީއޭއެމްއިން ބުނެއެވެ.
