މިދިޔަ މަހުގެ ފަހުކޮޅު ރާއްޖެއަށް ޗުއްޓީ ހޭދަކުރަން ޝިބާނީ އާއި ފަރްހާން އައިސްފައިވާއިރު އެމީހުން ވަނީ އިންސްޓަގްރާމު މެދުވެރިކޮށް އެކަން ހާމަކޮށްފަ އެވެ. އެކަމަކު މިވަގުތު ރާއްޖޭގައި ތިބިކަން ނުވަތަ ނޫންކަން ސާފު ނުވާއިރު ޗުއްޓީ ހޭދަކުރަނީ ކޮން ރިސޯޓެއްގައި ކަމެއް ވެސް ސާފެއް ނުވެ އެވެ.
ފަރްހާން ވަނީ އޭނާ ޑައިވްކުރާ ވީޑިއޯއެއް އިންސްޓަގްރާމު މެދުވެރިކޮށް ހިއްސާކޮށް ރާއްޖޭގައި ކަމަށް ބުނެފަ އެވެ.
މީގެ ކުރިން ވެސް ޝިބާނީ އާއި ފަރްހާން ރާއްޖެއަށް އައެވެ.
ފަރްހާން އާއި ޝިބާނީ މިއަހަރުގެ ފަހުކޮޅު ކައިވެނި ކުރަން އުޅޭކަމަށް ރިޕޯޓްތައް ބުނާއިރު ދެ ތަރިންގެ އާއިލާ ވެސް ވަރަށް ގާތެވެ.
ރޮކް އޮން 2 އާއި ޒިންދަގީ ނާ މިލޭގީ ދުބާރާ އާއި ބާގް މިލްކާ ބާގް ފަދަ ކާމިޔާބު ފިލްމުތަކުގައި މަސައްކަތްކޮށްފައިވާ އުމުރުން 44 އަހަރުގެ ފަރްހާން ވަނީ މީގެ ކުރިން ކައިވެންޏެއްކޮށްފައެވެ.
ހެއާ ސްޓައިލިސްޓެއްކަމަށްވާ އަދުނާ ބަބާނީއާ ފަރްހާނު 2000 ވަނަ އަހަރު ކައިވެނިކޮށްފައިވާއިރު އެމީހުންގެ ކައިވެންޏަށް ވަނީ ދެ ކުދިން ލިބިފައެވެ. އަދި ހަތް އަހަރު އެކުގައި އުޅުމަށްފަހު އަދުނާ އާއި ފަރްހާނު ވަކިވެފައިވަނީ މިދިޔަ އަހަރެވެ. ނަމަވެސް، ޝިބާނީ މީގެކުރިން ކައިވެންޏެއް ކޮށްފައެއް ނުވެއެވެ.
