އެމްޑަބްލިއުއެސްސީ އާއި އެމްބީއެސް ގުޅިގެން ލޭ ހަދިޔާކުރުމަށް ބޭއްވި ހަރަކާތުގެ ތެރެއިން--- ފޮޓޯ: އެމްޑަބްލިއުއެސްސީ
އެމްޑަބްލިއުއެސްސީއިން ލޭ ހަދިޔާކުރުމުގެ ހަރަކާތެއް ކުރިއަށް ގެންގޮސްފި
އަހުމަދު އިޔާދު
11 ނޮވެންބަރ 2020 - 13:12:04
މޯލްޑިވްސް ވޯޓާ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ) އާއި މޯލްޑިވްސް ބްލަޑް ސާވިސަސް ގުޅިގެން އިއްޔެ ލޭ ހަދިޔާ ކުރުމުގެ ހަރަކާތެއް ހިންގައިފި އެވެ.
Advertisement
އިއްޔެ އެމްޑަބްލިއުއެސްސީގެ ކަސްޓަމާ ސާވިސް އިމާރާތުގައި ކުރިއަށް ގެންދިޔަ ލޭ ހަދިޔާ ކުރުމުގެ ހަރަކާތުގައި އެ ކުންފުނީގެ ގިނަ މުވައްޒަފުން ބައިވެރިވެފައިވެ އެވެ.
އެ ހަރަކާތުގެ މަގްސަދަކީ ކޮވިޑް-19 ގެ ސަބަބުން މޯލްޑިވްސް ބްލަޑް ސާވިސަސް އަށް ދިމާވެފައިވާ ލޭ ލިބުމުގެ ދަތިކަމުގެ ހާލަތަށް އެހީތެރިކަން ފޯރުކޮށްދިނުމާއި، ބޭނުންވާ ލޭގެ އެހީ މުވައްޒަފުންގެ ފަރާތުން ފޯރުކޮށްދިނުން ކަމަށް އެމްޑަބްލިއުއެސްސީ އިން ވަނީ ބުނެފަ އެވެ.
އޭގެ އިތުރުން އެ ހަރަކާތުގެ ދަށުން މުވައްޒަފުންނަށް ލޭ ހަދިޔާ ކުރުމުގެ މުހިއްމުކަން އަންގައިދިނުމާއި، ފަސޭހަ މާހައުލެއްގައި އެފަދަ ހަރަކާތެއްގައި މުވައްޒަފުން ބައިވެރިވެ، ލޭ ހަދިޔާ ކުރުމުގެ ފުރުސަތު ތަނަވަސްކޮށްދިނުމަކީ ވެސް އެ ހަރަކާތުގެ މަގްސަދުތަކުގެ ތެރޭގައި ހިމެނޭ ކަމެއް ކަން އެމްޑަބްލިއުއެސްސީ އިން ވަނީ ބުނެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
