މާއުނގޫދޫ ގެއެއްގެ ފާރުގައި އައިއެސް ލޯގޯ ޖަހާފައި-- ފޮޓޯ: މާއުނގޫދޫ ކައުންސިލްގެ ނައިބު ރައީސް ހަމީދު
މާއުނގޫދޫއަށް ބަޔަކު އަރައި، ފާރުތަކަށް އައިއެސް ލޯގޯ ސްޕްރޭ ކޮށްފި!
24 ނޮވެންބަރ 2019 - 10:48:26
ށ. މާއުނގޫދޫ އަށް ރަށުން ބޭރު ބަޔަކު އަރާ ބައެއް ގެތަކުގެ ފާރުގައި އިސްލާމިކް ސްޓޭޓް (އައިއެސް)ގެ ލޯގޯ ސްޕްރޭ ކުރި މައްސަލައެއް ފެންމަތިވެއްޖެ އެވެ.
Advertisement
ސީއެންއެމްއަށް މައުލޫމާތު ދެމުން މާއުނގޫދޫ ކައުންސިލްގެ ނައިބު ރައީސް އަބްދުﷲ ހަމީދު ވިދާޅުވީ 13 ގެއެއްގައި 15 ވަރަކަށް ލޯގޯ ޖަހާފައިވާ ކަމަށެވެ. އެގޮތުން ބައެއް ގޭގޭގައި ދެ ލޯގޯ ޖަހާފައިވާ ކަމަށް ވެސް ހަމީދު ވިދާޅުވި އެވެ.
ހަމީދު ވިދާޅުވީ ފުލުހުން އެ މައްސަލަ ބަލަމުން އަންނާތީ ފާރުތަކުން އެ ލޯގޯ ފިލުވުމުގެ މަސައްކަތް އަދި ނުކުރާ ކަމަށެވެ. އަދި ފާރުތަކުގައި އެ ލޯގޯ ޖަހާފައި ވަނީ ރަށުން ބޭރުން އައި ދޯންޏަކުން އައި ބަޔަކު ކަމަށް ބެލި ބެލުމުން އެނގިގެން
ދިޔަ ކަމަށް ވެސް ހަމީދު ވިދާޅުވި އެވެ.
"ފުރަތަމަ އެ ލޯގޯ ޖަހާފައި ހުރި ކަން އެނގުނީ ހެނދުނު. އެނގިގެން އަޅުގަނޑުމެން ބެލީ. ފިހާރަތަކަށް ގޮސްގެންނާއި ގުޅައިގެން، އެއްވެސް ކަހަލަ ކަޅު ސްޕްރޭއެއް ގަނެފައި ވޭތޯ. ބެލި ބެލުމުން އެނގުނީ ދޯންޏަކުން ބަޔަކު އައިސް ކަޅު ސްޕްރޭ އާއި އޭފޯސައިޒު ގަނޑު، ކަޓަރު ތިލަ އާއި އެއްޗެހި ގަނެގެން ގޮސް ވަނީ،" ހަމީދު ވިދާޅުވި އެވެ.
އެއީ ކޮން ރަށެއްގެ ބައެއް ކަމެއް އެނގިފައެއް ނުވެ އެވެ. ފުލުހުން ބުނީ މާއުނގޫދޫ އަށް އައިއެސް ދިދަ ޖެހި ދޯންޏެއް އަރާފައިވާ ކަމުގެ އެއްވެސް މައުލޫމާތެއް މިހާތަނަށް ލިބިފައި ނުވާ ކަމަށެވެ.
ނަމަވެސް އެރަށުގެ އެކި ފާރުތަކުގައި ޝަހާދަތް ލިޔެފައި (އައިއެސް ލޯގޯ އާ އެއްގޮތަށް) ހުރި ކަމަށް ބެލެވޭ މައުލޫމާތެއް ފުލުހުންނަށް ލިބިފައި ވާތީ އެކަން ހިނގާފައިވާ ގޮތެއް ބެލުމުގެ މަސައްކަތް ކުރަމުންދާ ކަމަށް ވެސް ފުލުހުން ވަނީ ބުނެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
