ދިވެހިރާއްޖޭގެ އަޑުން ގެނެސްދޭ "އަހާށޭ ބުނާނަން" ޕްރޮގްރާމުގައި މީހަކު ފޮނުވި ސުވާލެއްގައި ވަނީ މިނިސްޓަރު ކަން ލިބިވަޑައިގެންނެވީ ގާސިމްގެ އަނބިކަނބަލަކަށް ވުމުން ކަމަށް ގަބޫލުކުރައްވާތޯ ސުވާލު ކުރައްވާފަ އެވެ.
"އަޅުގަނޑު ގަބޫލެއް ނުލުރަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް، ކެބިނެޓަށް ވަޒީރަކު އައްޔަނު ކުރައްވާނެ ކަމަށް ވަކި މީހެއްގެ އަތްބަކަށް ވެގެން،" ޖަވާބުގައި ނަހުލާ ވިދާޅުވި އެވެ.
ޖުމްހޫރީ ޕާޓީއަކީ ސަރުކާރު ހިންގާ ކޯލިޝަނަށް ނިސްބަތްވާ ޕާޓީއަކަށް ވާއިރު، ކޯލިޝަން އެއްބަސްވުމުގެ ދަށުން ޕާޓީތަކަށް ވަކި އަދަދަކަށް ސަރުކާރުގެ ސްލޮޓުތައް ވަނީ ކަނޑައަޅާފަ އެވެ.
އެގޮތުގެ މަތިން ނަހުލާއަށް މިނިސްޓަރު ކަން ލިބިވަޑައިގެންނެވީ ޖޭޕީގެ ސްލޮޓަކުންނެވެ. ގާސިމްގެ އަނބިކަނބަލަކަށް އެފަދަ މަގާމެއް ލިބިވަޑައިގެންނެވުމުން މީގެ ކުރިން ވެސް ފާޑުކިޔުންތައް އަމާޒުވެފައި ވެއެވެ.
