މީގެ ހަފްތާއެއް ކުރިން އެމެރިކާގައި ބޭއްވި ރިޔާސީ އިންތިހާބަށް ފަހު އިއްޔެ ޓްރަމްޕް ނޫސްވެރިންނާއި ބައްދަލުކުރެއްވި އިރު، ނޫސްވެރިންނާއި، އެ ނޫސްވެރިންގެ ބައްދަލުވުން ވަގުތުން ބަލަމުން ދިޔަ ފަރާތްތަކުގެ ލޮލުގައި އަޅައިގަތީ ޓްރަމްޕްގެ އިސްތަށިގަނޑެވެ. ޓްރަމްޕްގެ އިސްތަށިގަނޑުގައި ކުރިން ހުރި ރަން ރީނދޫ ކުލައިގެ ބަދަލުގައި މިހާރު ހުރި ހުދުކުލަ އެވެ.

ޓްރަމްޕްގެ އިސްތަށިގަނޑުގެ ކުލަ ބަދަލުވެފައިކަން ފާހަގަކޮށް، ގިނަ ބަޔަކު ވަނީ އޭނާ އަށް މީސްމީޑިއާ ގައި ޖޯކް ޖަހައިފަ އެވެ.

ކުރިއެކޭ އެއްގޮތަށް ޓްރަމްޕް ވަނީ އެމެރިކާގެ ކުރީގެ ނައިބު ރައީސް ޖޯ ބައިޑެން އާއި ވާދަކުރައްވައިގެން ރިޔާސީ އިންތިހާބުން ބަލިވިކަން ގަބޫލުފުޅު ކުރައްވަން ފަސްޖެހިވަޑައިގެންފަ އެވެ. ޓްރަމްޕް އަމިއްލައަށް ބަލި ގަބޫލުފުޅު ކުރައްވަން ފަސްޖެހިވަޑައި ގަންނަވަމުންދާ އިރު، ގިނަ ބަޔަކު އަންނަނީ ޓްރަމްޕް ބަލި ގަބޫލުފުޅު ކުރެއްވުމަށް ގޮވާލަމުންނެވެ.

އެންމެ ފަހުގެ ނަތީޖާ ދައްކާގޮތުން އެމެރިކާގެ ރައީސް ޑޮނަލްޑް ޓްރަމްޕައް 232 އިލެކްޓޯރަލް ވޯޓު ލިބިވަޑައިގެންފައިވާއިރު، ޖޯބައިޑެން ވަނީ 306 ވޯޓު ހޯއްދަވާފައެވެ.