Advertisement

ބޮލީވުޑުގެ މަޝްހޫރު އެކްޓަރު ފަރްހާނު އަހްތަރު އޭނާގެ ލޯބިވެރިޔާ، އިންޑިއާގެ ލަވަކިޔުންތެރިޔާ އަދި މޮޑެލް ޝިބާނީ ދަންޑެކާރު މިއަހަރުގެ ތެރޭގައި ކައިވެނި ކުރަން އުޅޭކަމުގެ އަޑުތައް ގަދަވެއްޖެ އެވެ.

ރިޕޯޓްތައް ބުނާ ގޮތުގައި ފަރްހާން އާއި ޝިބާނީ ކައިވެނިކުރަނީ މިއަހަރުގެ ފަހުކޮޅު އެވެ. ކައިވެނި ކުރާނީ ފަރްހާނުގެ ކުރިއަށް އޮތް ފިލްމު ތޫފާން ނެރުމުން ކަމަށް ވެސް ވެއެވެ.

އެހެންނަމަވެސް ކައިވެނިކުރާނެ ސީދާ ތާރީހު އަދި ކަނޑަނޭޅި ނަމަވެސް މިހާރު ވެސް ކައިވެންޏަށް ތައްޔާރުވާން ފަށާފައިވާ ކަމަށް ވެސް ވެއެވެ.

ރޮކް އޮން 2 އާއި ޒިންދަގީ ނާ މިލޭގީ ދުބާރާ އާއި ބާގް މިލްކާ ބާގް ފަދަ ކާމިޔާބު ފިލްމުތަކުގައި މަސައްކަތްކޮށްފައިވާ އުމުރުން 44 އަހަރުގެ ފަރްހާން ވަނީ މީގެ ކުރިން ކައިވެންޏެއްކޮށްފައެވެ.

ހެއާ ސްޓައިލިސްޓެއްކަމަށްވާ އަދުނާ ބަބާނީއާ ފަރްހާނު 2000 ވަނަ އަހަރު ކައިވެނިކޮށްފައިވާއިރު އެމީހުންގެ ކައިވެންޏަށް ވަނީ ދެ ކުދިން ލިބިފައެވެ. އަދި ހަތް އަހަރު އެކުގައި އުޅުމަށްފަހު އަދުނާ އާއި ފަރްހާނު ވަކިވެފައިވަނީ މިދިޔަ އަހަރެވެ. ނަމަވެސް، ޝިބާނީ މީގެކުރިން ކައިވެންޏެއް ކޮށްފައެއް ނުވެއެވެ.