ނަވާރަސަތޭކަ އަށްޑިހަ ނުވަވަނަ އަހަރުގެ ނިޔަލަށް ސޫދާންގެ ބޮޑުވަޒީރުކަމުގެ މަގާމު އަދާކުރައްވާފައިވާ ސާދިގް އަލް-މަހްދީ އަވަހާރަވެފައިވަނީ ޔޫއޭއީގެ ހޮސްޕިޓަލެއްގައި ކޮވިޑް-19 އަށް ފަރުވާ ދެމުންދާތާ ތިން ހަފްތާ ފަހުން ކަމަށް ސޫދާންގެ ނެޝަަލް އުންމާ ޕާޓީ އާއި އަލް-މަހްދީގެ އަރިސް ބޭފުޅުންނާއި ހަވާލާދީ ރިޕޯޓްކޮށްފައިވެ އެވެ.
ސާދިގް އަލް-މަހްދީގެ އިތުރުން އޭނާގެ އާއިލާގެ ގިނަ ބޭފުޅުންނަށް ވެސް ކޮވިޑް-19 ޖެހިފައިވާ ކަން ކަށަވަރުވެފައި ވަނީ މި މަހުގެ ތިން ވަނަ ދުވަހުގައެވެ. އަލް-މަހްދީގެ އާއިލާގެ ބޭފުޅުން ކޮވިޑް-19 އިން ރަނގަޅުވެފައިވާ އިރު، ކޮވިޑް-19 ގެ ސަބަބުން އޭނާގެ ހާލުކޮޅު ސީރިއަސްވުމާއި ގުޅިގެން ވަނީ އިތުރު ފަރުވާ އަށް ޔޫއޭއީ އަށް ގެންދެވިފަ އެވެ.
ސޫދާންގެ ނެޝަނަލް އުންމާ ޕާޓީ އިން ނެރުނު ނޫސްބަޔާނުގައި އެ ޕާޓީން ބުނެފައިވަނީ އަލް-މަހްދީގެ ހަށިކޮޅު ހުކުރު ދުވަހު ސޫދާންގެ އުުއްމު ދަރުމާންގައި ފަސްދާނުލުމަށް ހަމަޖެހިފައިވާ ކަމަށެވެ.
ސޫދާންގައި އިންތިހާބަކުން އެންމެ ފަހުން އިންތިހާބުވެވަޑައިގަތް ބޮޑުވަޒީރު ކަމަށްވާ ސާދިގް އަލް-މަހްދީގެ ވެރިކަން ވައްޓާލާފައި ވަނީ 1989 ވަނަ އަހަރު އެ ގައުމުގެ ކުރީގެ ރައީސް އޮމަރު އަލް ބަޝީރު ކުރި ބަގާވާތަކުންނެވެ.
