އަންނަ އަހަރަށް ލަފާކުރާ ދައުލަތުގެ ބަޖެޓް ރައްޔިތުންގެ މަޖިލީހުގެ ބަޖެޓް ދިރާސާކުރާ ކޮމިޓީން ދިރާސާކޮށް ނިންމި ގޮތުގެ ރިޕޯޓަށް ވާހަކަ ދައްކަވަމުން އަފިފް ވިދާޅުވީ، މިބަޖެޓަކީ ޑެފިސިޓް ބޮޑު ބަޖެޓެއް ކަމަށާއި، ކޮމިޓީން ބަޖެޓް ދިރާސާކުރުމަށްފަހު ދަރަނި ކުޑަކުރިނަމަވެސް އަދިވެސް މިއީ ޑެފިސިޓް ބޮޑު ބަޖެޓެއް ކަމަށެވެ.
އަފީފް ވިދާޅުވީ ފިނޭންސް މިނިސްޓަރު ވިދާޅުވި ނަމަވެސް އަންނަ އަހަރު ބަޖެޓަށް ފައިސާ ލިބޭނެ ކަމުގެ ޔަގީންކަމެއް ނެތްކަމަށެވެ.
އަފީފް ވިދާޅުވީ ބަޖެޓްގައި އަދަދުތަކެއްޖަހާ ރައްޔިތުުންނަށް އުންމީދުތަކެއް ދެވިދާނެ ކަމަށެވެ. އެހެންނަމަވެސް އެކަންކަން ތަންފީޒު ނުކުރެވޭނަމަ ރައްޔިތުންގެ މާޔޫސްކަން ބޮޑުވާނެކަމަށް ވިދާޅުވި އެވެ.
އޭގެ އިތުރުން އަފީފް ވިދާޅުވީ ދައުލަތަށް އާމްދަނީ ލިބޭނޭގޮތާއި މެދު ވިސްނަންޖެހޭ ކަމަށެވެ. އަދި ލިބޭ އާމްދަނީ ކުޑަވާގޮތަށް އަދި މަޝްރޫއުތައް އިތުރުވާގޮތަށް ވާހަަކަ ދެއްކުން ގަބޫލުނުކުރެވޭކަމަށާއި، ދައުލަތަށް އާމްދަނީ ހޯދުމަށް އޮތް މަގުތައް އިތުރުކުރަންޖެހޭ ކަމަށެވެ.
