އަންނަ އަހަރަށް ލަފާކުރާ ދައުލަތުގެ ބަޖެޓްގެ ދިރާސާ ރިޕޯޓަށް ވާހަކަ ދައްކަވަމުން ޝިޔާމް ވިދާޅުވީ ބަޖެޓްގެ ވާހަކަ ދައްކާއިރު އެންމެ ބޮޑަށް ދެއްކެން އޮތީ ދަރަނީގެ ވާހަކަ ކަމަށާއި، ދަރަނިން ސަލާމަތްވާނެ ގޮތެއް ނެތް ކަމަށެވެ. އަދި މިސަރުކާރުން ރާއްޖެ ވައްޓާލައިފައިވާ އަނދަވަޅުން ސަލާމަތްވާނެ ގޮތެއްވެސް ނެތްކަމަށް ވިދާޅުވި އެވެ.
ފިޗް ރޭޓިންގްސް އިން ރާއްޖޭގެ ކްރެޑް ރޭޓިން "ސީސީސީ" އަށް ދަށްކުރި ކުރުމާއި ގުޅޭގޮތުން ވާހަކަ ދައްކަވަމުން ޝިޔާމް ވިދާޅުވީ، ރާއްޖެ ބަނގުރޫޓް ވެއްޖެ ކަމަށް ބުނެ ބައެއް ބޭރު ނޫސްތަކުގައި ޖަހާފައި އެބަހުރި ކަމަށެވެ.
ޝިޔާމް ވިދާޅުވީ ފިނޭންސް މިނިސްޓަރު މަޖިލީހަށް ބަޖެޓް ހުށަހަޅާފައިވަނީ ސިޔާސީ ބަޔަކު ދައްކާ ވާހަކަ އަޑުއަހައިގެން ކަމަށާއި، އަދި އެއީ ވަރަށް ޒިންމާދާރުކަން ކުޑަގޮތެއް ކަމަށެވެ. އަދި ބަޖެޓް ދިރާސާ ކުރިގޮތުގެ ރިޕޯޓް އައި އިރުވެސް އެދެވޭ ހައްލެއް ގެނެވިފައި ނެތް ކަމަށް ޝިޔާމް ވިދާޅުވި އެވެ.
ޝިޔާމް ވިދާޅުވީ އަދުލުއިންސާފު ގައުމުގައި ނެތްކަމަށާއި، އަދުލު އިންސާފުނެތި ރަައްޔިތަކަށް ލިބޭނެ އުފަލެއް ނެތްކަމަށެވެ. ޝިޔާމް ވިދާޅުވީ މިބަޖެޓަކީ ރިއަލިސްޓިކް ބަޖެޓެއް ނޫން ކަމަށާއި، މިއީ ހުވަފެނީ ބަޖެޓެއް ކަމަށެވެ.
އޭގެއިތުރުން ޝިޔާމް ވިދާޅުވީ ރާއްޖެ މިހާރު އޮތް ހާލަތުން ރައްޔިތުން ނިކަމެތިވާ ވުން ކޯލިޝަނުން ނަގާކަށް ނުޖެހޭނެ ކަމަށާއި، މިއީ އެމްޑީޕީގެ ވެރިކަމެއް ކަމަށެވެ. އަދި ޝިޔާމް ވިދާޅުވީ ބަޖެޓަށް ފައިސާ ހޯދުމަށްޓަކައި މިސަރުކާރުން ބަދަލުގެ ގޮތުގައި ދޫކޮށްފައިވާ ފައިސާ އަނބުރާ ހޯދޭނެގޮތަށް ބަލަންޖެހޭ ކަމަށެވެ.
