Advertisement

އަންނަ މަހު 24ގައި 19 އަތޮޅެއްގައި ހިތާނީ ކޭމްޕު ކުރިއަށްދިއުމަށް ނިންމައިފިއެވެ.

މިއަދު ހެލްތު މިނިސްޓްރީގައި ބޭއްވި ނޫސްވެރއިންގެ ބައްދަލުވުމެއްގައި ހތާނީ ކޭމްޕާ ބެހޭގޮތުގައުން މައުލޫމާތު ދެމުން ބުނީ އަންނަ މަހު 24 ގައި ކުޅުދުއްފުށީގައި އެކޭމްޕު ފެށުމަށް ހަމަޖެހިފައިވާ ކަމަށެވެ.

އެގޮތުން އެރަސްމިއްޔާތުގައި ރައީސުލްޖުމްހުރިއްޔާގެ ނައީބް ފައިސަލް ނަސީމު ވަޑައިގަންނަވާނެ ކަމަށާއި ކުޅުދުއްފުށީގައި ރަސްމީކޮށް އެކޭމްޕު ފެށުމުން ރާއްޖޭގެ ހުރިހާ އަތޮޅެއްގެ ހޮސްޕިޓަލުތަކުގައި އެއް ވަގުތެއްގައި ހިތާނީ ކޭމްޕު ފެށޭނެ ކަމަށް ވަނީ ބުނެފައެވެ.

އޭގެ އިތުރުން އެއަތޮޅެއްގެ ސަގާފަތާ އެއްގޮތަށް އެކަންތައްތައް ކުރިއެއް ގެންދެވޭނެ ކަމަށާއި ހޮސްޕިޓަލުގައި މިކަންތައް ކުރިއަށް ގެންދިޔަ ނަމަވެސް އެކުއްޖެއްގެ ބެލެނިވެރިއެއް ބޭނުންވާގޮތަކަށް ހިޓާނު ކުރުމަށްފަހު ކުރިއަށް ގެންދެވޭނެ ކަމަށް ވެސް ވަނީ ބުނެފައެވެ. އަދި ހޮސްޕިޓަލްތަކުގެ ވޯޑުގައި ކުޑަކުދިންނަށް ގަޔާވާ ކަހަލަ ގޮތަށް ޒީނަތްތެރިކުރާނެ ކަމަށް ވެސް ވަނީ ބުނެފައެވެ.

ހަމައެހެންމެ ސަރުކާރުގެ ފަރާތުން އެއްވެސް ކުއްޖެއް ތަފާތުކުރުމެއްނެތި ހަދިޔާ ލިބިގެންދާނެ ކަމަށް ވެސް ވަނީ ބުނެފައެވެ.