ސީރިއާ ހަނގުރާމައަށް ދިޔަ ދިވެހިންތަކެއް-- ފޮޓޯ: މޯލްޑިވްސް އިންޑިޕެންޑެންޓް
ހަނގުރާމައިން ގެންނަ މީހުން ރިހެބިލިޓޭޓް ކުރާނެ މަޒުކަރު ހިންމަފުށީގައި
20 ނޮވެންބަރ 2019 - 11:53:26
ބޭރު ގައުމުތަކުގައި ކުރާ ހަނގުރާމަތަކުގައި ބައިވެރިވުމަށް ފަހު އަނބުރާ ރާއްޖެ ގެންނަ ދިވެހިން ރިހެބިލިޓޭޓް ކުރާނެ މަރުކަޒެއް ކ. ހިންމަފުށީގައި އެޅުމުގެ މަސައްކަތް ފަށައިފި އެވެ.
Advertisement
ޖުމްލަ 49 މިލިއަން ރުފިޔާއަށް އެ މަސައްކަތް ހަވާލުކޮށްފައި ވަނީ ޕޮލިސް ވެލްފެއާ ކޯޕަރޭޝަން (ޕޮލްކޯ) އާ ކަމަށް ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރު ވަނީ ވިދާޅުވެފަ އެވެ.
އެ ސެންޓަރުގެ މަސައްކަތް ކުރިއަށް އޮތް މަސް ދުވަސް ތެރޭގައި ނިންމާލެވޭނެ ކަމަށް ބެލެވެ އެވެ. އެ މަސައްކަތް ޕޮލްކޯއާ ހަވާލު ކުރީ ސެކިއުރިޓީ ސަބަބުތަކާއެކު މަސައްކަތް އަވަސް ކުރުމަށެވެ.
ހަނގުރާމައިގައި އުޅުމަށް ފަހު އަންނަ މީހުން ރިހެބިލިޓޭޓް ކުރާނެ މަރުކަޒެއް ގާއިމް ކުރުމަކީ ޓެރަރިޒަމް ގާނޫނަށް ގެނެސްފައިވާ އިސްލާހުގެ ދަށުން ލާޒިމް ކަމެކެވެ.
ސީރިއާގެ ދާހިލީ ހަނގުރާމަ ފެށިގެން އައިއިރު، ބައެއް ދިވެހިން ވަނީ އެމީހުންގެ އާއިލާތަކާއެކު އެ ހަނގުރާމައިގައި ބައިވެރިވުމަށް ގޮސްފަ އެވެ.
ހަނގުރާމައިގައި ސީރިއާ ސަރުކާރަށް ކުރި ލިބިފައި ވާއިރު، ދިވެހިންގެ ގިނަ ބަޔަކު ވަނީ މަރުވެފަ އެވެ. މަރު ނުވެ ތިބި ފިރިހެނުންނާއި، އަންހެނުން އަދި ކުޑަކުދިން މިހާރު ތިބީ ރެފިއުޖީ ކޭމްޕުތަކުގަ އެވެ.
ރެފިއުޖީ ކޭމްޕުތަކުގައި ތިބި މީހުން ވަނީ އެނބުރި ރާއްޖެ އައުމަށް ސަރުކާރުގައި އެދިފަ އެވެ. އެކަމާ ގުޅިގެން ސަރުކާރުން ނިންމާފައި ވަނީ އެ މީހުން ރާއްޖެ ގެނައުމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
