ބެންގަލޫރުގެ ކެޕްޓަން ސުނިލް ޗެތްރީ
ފަހަތުން އަރައި ކެރެލާ ބްލާސްޓާ ބަލިކޮށް ބެންގަލޫރު ހަތަރުވަނަ އަށް
އަހުމަދު ހަސަން
14 ޑިސެމްބަރ 2020 - 09:47:19
ފަހަތުން އަރައި ކެރެލާ ބްލާސްޓަ ބަލިކޮށް، ބެންގަލޫރު އެފްސީން ޓޭބަލްގެ ހަތަރުވަނައަށް އަރައިފިއެވެ. އާދިއްތަ ދުވަހުގެ ރޭ ބެންގަލޫރު އެފްސީއާ ކެރެލާ ބްލާސްޓަ އިންޑިއަން ސުޕަ ލީގުގައި ކުޅުނު މެޗުން ބެންގަލޫރު މޮޅުވީ ހަތަރު ލަނޑު ދެ ލަނޑުންނެވެ.
Advertisement
އާދިއްތަ ދުވަހުގެ ރޭގެ މެޗުގައި ކުރިން ލަނޑު ޖަހައި ކުރި ހޯދީ ކެރެލާ ބްލާސްޓައިންނެވެ. ކެރެލާއިން އެ ޓީމުގެ ފުރަތަމަ ގޯލު ސަތާރަވަނަ މިނިޓްގެ ތެރޭގައި ޖަހާފައިވަނިކޮށް، ބެންގަލޫރުން އެއްވަރު ކުރީ ބިދޭސީ ފޯވާޑެވެ. އޭގެ ފަހުން އެރިކް ޕާޓަލޫއާ ޑިމާސް ޑެލްގާޑޯގެ ގޯލްތަކުން ބެންގަލޫރުން ތިން ލަނޑު ޖަހާފައިވަނިކޮށް އަނެއްކާވެސް ކެރެލާއިން ލަނޑެއް ޖަހައި ފަރަގު ކުޑަކުރިއެވެ.
އާދިއްތަ ދުވަހުގެ މެޗުގައި ބެންގަލޫރުގެ ފަހު ގޯލް ޖެހީ ކެޕްޓަން ސުނިލް ޗެތްރީއެވެ. އޭނގެ ކުރިން ޗެތްރީ އަތުންވަނީ ޕެނަލްޓީ އެއް މި މެޗުގައި މިސްވެފައެވެ. ކެރެލާ އަތުން ހޯދި ތިން ޕޮއިންޓާ އެކު ބެންގަލޫރު ޓޭބަލްގެ ހަތަރުވަނައަށް އެރީ ފަސް މެޗުން ނުވަ ޕޮއިންޓް ހޯދައިގެންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
