ޑރ ނަޒްލާ ވިދާޅުވީ، ވެކްސިންގެ ޓްރަޔަލްގައި ވެކްސިންގެ ސަބަބުން 95 އިންސައްތަ މީހުންނަށް ރައްކާތެރިކަން ލިބޭކަމަށް ބުނެފައިވީނަމަވެސް، އެގައުމެއްގައި ވެކްސިން ޖަހާއިރު ބަލީގެ ހާލަތު އޮތް މިންވަރަށް ވަރަށް ބޮޑަށް ބަރޯސާވާ ކަމަށެވެ.
ޑރ ނަޒްލާ ވިދާޅުވީ، ވެކްސިން ޖަހާ މީހާ އިންކިއުބޭޝަން ޕީރިއަށްގައި ބައްޔަށް ހުށަހެޅިފައި ހުރުން އެކަށީގެންވާ ކަމަށާއި، އެހެންވެއްޖެ ކަމަށްވާނަމަ ވެކްސިންގެ ސަބަބުން އޭނައަކަށް ރައްކާތެރިކަމެއް ނުލިބޭނެކަމަށެވެ. އެގޮތުން ވެކްސިން ޖަހާ ދުވަހަކު އޭގެ ރައްކާތެރިކަމެއް ނުލިބޭނެ ކަމަށާއި ރައްކާތެރިކަން ލިބެން ދެ ހަފްތާ ތިން ހަފްތާ ވަރު ނަގާނެ ކަމަށްވެސް ޑރ ނަޒްލާ ވިދާޅުވިއެވެ.
" މުޖުތަމައުގައި ބަލި ގިނައިން ފެތުރޭ ކަމަށްވާނަމަ، އެމުއްދަތުގެ ތެރޭގައި ވެސް އެމީހަކު ބައްޔަށް ހުށަހެޅުމުގެ ފުރުސަތު އޮންނާނެ، ދިފާއީ ބާރު އޭނާގެ ހަށިގަނޑުގައި ރަނގަޅަށް ނުއުފެދެނިސް ބަލި ޖެހުމުގެ ފުރުސަތު އޮންނާނެ.." ޑރ ނަޒްލާ ވިދާޅުވިއެވެ.
