ހަބަރު /
ގއ. ވިލިނގިލި-- ފޮޓޯ: ސޯޝަލް މީޑިއާ
ގއ. ވިލިގިލީގައި ގޭސް ފުޅިއެއް ލީކުވެ ގޮވުމެއްގޮވައިފި
މަރިޔަމް ޝަހުދާ
20 ޑިސެމްބަރ 2020 - 17:44:42
ގއ. ވިލިނގިލީ ގޭސް ފުޅިއެއް ލީކުވެ ގޮވުމެއް ގޮވައިފިއެވެ.
މި ހާދިސާ ހިނގާފައިވަނީ މިއަދު ހެނދުނު 11:00 ހާއިރު ކަމަށް އެރަށު ކައުންސިލުން "ސީއެންއެމް" އަށް މައުލޫމާތު ދިނެވެ.
މި ހާދިސާގައި އެއްވެސް މީހަކަށް އަނިޔާއެއް ނުލިބޭ ކަމަށް ހަބީބު ވިދާޅުވިއެވެ.
ވިލިނގިލީ ކައުންސިލް މެމްބަރު ހަބީބު ހަސަން ވިދާޅުވީ މި ހާދިސާ ހިނގާފައިވަނީ އެރަށު ގެއެއްގައި ހުރި ގޭސް ފުޅިއަކުން "އަމިއްލައަށް" ގޭސް ލީކުވެގެން ކަމަށެވެ.
"އެތަން ގޮވާފައިވަނީ ކޮޓަރީގައި ގޭސް ލީކުވެ، ގޭސް ބަންދު ވުމުގެ ސަބަބުން ޕްރެޝަރު އުފެދިގެން،" -ހަބީބު-
ގެއަށް ކޮންމެވެސް ވަރެއްގެ ގެއްލުންތަކެއް ލިބިފައިވާ ކަމަށާއި، އެގޮތުން ދެ ކުޑަދޮރެއްގެ ބިއްލޫރިގަނޑު ތަޅައިގެން ގޮސްފައިވާ ކަމަށް ހަބީބު ވިދާޅުވިއެވެ.
ނަމަވެސް މިކަމާ ގުޅިގެން އަލިފާނުގެ ހާދިސާއެއް ހިނގާފައި ނުވާ ކަމަށް ހަބީބު ފާހަގަ ކުރެއްވިއެވެ.
މައުލޫމާތު ލިބޭ ގޮތުގައި މި ހާދިސާ ހިނގާފައިވަނީ އެރަށު ގޯލްޑަން ހައުސްގެ އެއް ވަނަ ފަންގިފިލާގައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
