ސީއެންއެމްއަށް މިއަދު މައުލޫމާތުދެމުން ނިމްޝާ ބުނީ އޭނާ ދުވަސްތަކަށްފަހު އަނެއްކާވެސް މޮޑެލިންގެ ދާއިރާގެ ތެރެއަށް އަނބުރާ އަންނަނީކަމަށެވެ.
ޑިސެމްބަރު 31 ވަނަ ދުވަހުގެރޭ ދިވާސް ގެ ފަރާތުން އާއަހަރަށް ހާއްސަކޮށް ބާއްވާ ފެޝަންޝޯ އެއްގައި ނިމްޝާގެ ހާއްސަ ފެނިލުމެށް ފެނިގެންދާނެއެވެ.
މި ޝޯގައި ނިމްޝާ ހަރަކާތްތެރިވާނީ ޝޯ ސްޓޮޕާއެއްގެ ގޮތުގައެވެ. އަދި ނިމްޝާގެ ހާއްސަ ޑާންސެއް ދިވާސް މޮޑެލުންނާއި އެކު ފެނިގެންދާނެ ކަމަށާއި މި ޝޯގެ ތެރެއިން ނިމްޝާގެ ފޭނުންނަށް އޭނާއާ އެކީ ފޮޓޯ ނެގުމަށް ފުރުސަތުވެސް ލިބިގެންދާނެކަމަށް އޭނާ ބުންޏެވެ.
ނިމްޝާ
ދިވާސް އިން އާ އަހަރަށް ބާއްވާ މި ޝޯގައި މޮޑަލްސްތަކުގެ ތަފާތު ހަރަކާތްތަކާއި ޝްޕެޝަލް އެތަށް ގެސްޓުންވެސް އަންނާނެ ކަމަށް ދިވާސް އިން މައުލޫމާތުދެއެވެ. އަދި މި ޝޯގައި ބައިވެރިވާ ހުރިހާ ފަރާތްތަކަށް ދިވާސް ގެ އޮފިޝަލް އިންސްޓަގްރާމް އަދި ފޭސްބުކް ޕޭޖް މެދުވެރިކޮށް 500 ރުފިޔާއަށް ޓިކެޓު މިހާރު ލިބެމުންދާނެ ކަމަށް ވެސް އެ މޮޑެލް އޭޖެންސީން ބުނެއެވެ.
