އޭނާ މިހާރު މި ވަނީ ފިލްމުތަކުގެ މަސައްކަތާ އަނެއްކާވެސް ގުޅިފަ އެވެ. އުއްމީދާއެކު އާ އަހަރު ފެށުމަށް ފަހު ރާހުލް މި ވަނީ 2021 އަށް އޭނާގެ ރެޒޮލިއުޝަން ނުވަތަ ކަނޑައަޅާ ލަނޑުދަނޑިއާ ގުޅޭ ކުޑަ ހިންޓެއް ސޯޝަލް މީޑިއާގައި އާއްމުކޮށްފަ އެވެ.
ކަޅާއި ހުދުން ރާކުލް ފެންނަ ރީތި ފޮޓޯއެއް އާއްމުކޮށް އޭގެ ކެޕްޝަނުގައި އޭނާ ލިޔުނީ ފަހަތަށް ގޮސް ފެށުން ބަދަލު ނުކުރެވޭނެ ކަމަށާއި އެކަމަކު މިހާރު ހުރި ހިސާބުން މަސައްކަތް ފަށައިގެން ނިމުން ބަދަލު ކުރެވޭނެ ކަމަށެވެ.
އެހެންކަމުން ބެލެވޭ ގޮތުގައި ރާކުލްގެ އާ އަހަރުގެ ލަނޑުދަނޑިއަކީ މާޒީގައި ހިނގާފައިވާ ކަންކަމާ މެދު ވިސްނާ ފިކުރު ކުރުން ހުއްޓާލާ މުސްތަގުބަލުގެ ކާމިޔާބީއަށް ވާސިލްވުމަށް ގަދައަޅާ މަސައްކަތް ކުރުމެވެ.
ރާކުލް މިހާރު ކުރަމުންދާ މަސައްކަތްތަކަށް ބަލާއިރު އޭނާ ޝޫޓު ކުރަމުން ދަނީ ފިލްމު "މޭޑޭ" އަށެވެ. މި ފިލްމުގައި އަޖޭ ދޭވްގަން އާއި އަމީތާބް ބަޗަން ވެސް އުޅޭނެ އެވެ. އަދި މި ތްރިލާ ފިލްމު ޕްރޮޑިއުސް ކުރަނީ ވެސް އަޖޭ އެވެ.
