ކޮންމެއަކަސް ތަރިން އެމީހުންގެ ލޯބިވެރިންނާއެކު އާ އަހަރު ފާހަގަކުރިއިރު ވިކީ އާއި ކެޓްރީނާ ތަނަކަށް އެކުގައި ނުދާތީ ފޭނުން ތިބީ މާޔޫސް ކަމެއްގަ އެވެ. އެއީ ކެޓްރީނާ އަދި ވިކީ ވެސް އިންސްޓަގްރާމު ކުރި ފޮޓޯތަކުން ވެސް އެކަކު އަނެކަކުގެ ހިލަމެއް ވެސް ނުވާތީ އެވެ.
އެކަމަކު މިފަހަރު މިއޮތީ މިގޮތަށް ފޮޓޯ ހިއްސާކުރިޔަސް ދެ ތަރިން އެކުގައި އާ އަހަރު ފާހަގަކުރިކަން ވެސް ފަޅާ އަރާފަ އެވެ. ކެޓްރީނާ އިންސްޓަގްރާމު މެދުވެރިކޮށް އޭނާގެ ކޮއްކޮ އިޒަބެލްއާއެކު ނަގާފައިވާ ފޮޓޯއެއްް ހިއްސާކުރިތާ މާގިނަ އިރެއް ނުވެ އޭނާ ވަނީ އެ ޕޯސްޓް ޑިލީޓްކޮށްފަ އެވެ.
ކެޓްރީނާ ޑިލީޓްކުރި ފޮޓޯ
އެކަމަކު އޭރު މީހުންގެ އަތުގައި އޭގެ ސްކްރީންޝޮޓްތަކެއް ހުއްޓެވެ. ފެނިގެންދަނީ އެ މީހުން ނަގާފައިވާ ފޮޓޯގެ ފަހަތު ބިއްލޫރިގަނޑުން ވިކީ އެވެ. އެހެންކަމުން، އެކަން ކެޓްރީނާގެ ލޮލުގައި އަޅައިގަތުމާއެކު އެ ޕޯސްޓް ޑިލީޓްކުރިއިރު މިކަމުން ވެސް އެނގިގެންދަނީ ދެ ތަރިން އާ އަހަރު އެކުގައި ހޭދަކުރި ކަމެކެވެ. އަދި ރަސްމީކޮށް އިއުލާން ކުރަން ބޭނުން ނުވިޔަސް ދެ ތަރިންގެ މެދުގައި ގުޅުމެއް އޮތްކަން އެނގުމުން އެމީހުންގެ ސަޕޯޓަރުން އަންނަނީ އުފާ ފާޅުކުރަމުންނެވެ.
