ޔޫވީއާ އީގަލްސް ހޮނިހިރު ދުވަހު ހަވީރު ކުޅުނު މެޗުގެ ތެރެއިން
ޔޫވީ ބަލިކޮށް ލީގުގައި އީގަލްސްގެ ފުރަތަމަ މޮޅު
އަހުމަދު ހަސަން
09 ޖެނުއަރީ 2021 - 19:47:07
ދިވެހި ޕްރިމިއާ ލީގުގައި ހޮނިހިރު ދުވަހު ހަވީރު ޔުނައިޓެޑް ވިކްޓަރީ ބަލިކޮށް، ކްލަބު އީގަލްސް އިން އެ ޓީމުގެ ފުރަތަމަ މޮޅު ހޯދައިފިއެވެ. ލީގުގައި ހޮނިހިރު ދުވަހު ޔޫވީއާ އީގަލްސް ވާދަކުރި މެޗުން އީގަލްސް މޮޅުވީ ތިން ލަނޑު ދެ ލަނޑުންނެވެ.
Advertisement
ލީގުގައި ކުރިން ކުޅުނު ހަތަރު މެޗުގެ ތެރެއިން ތިން މެޗުން ބަލިވެ އަނެއް މެޗުން އެއްވަރުވެފައިވާ އީގަލްސް މިއަދުގެ މެޗުގައި ފުރަތަމަ ގޯލު ޖަހައިދިނީ ބިދޭސީ ކުޅުންތެރިޔާ އޮސާމާއެވެ. ދެވަނަ ހާފުގައި އީގަލްސްގެ އަނެއް ދެ ގޯލް ޖެހީ ހަސަން ރާއިފުއެވެ. އީގަލްސްއިން ތިން ލަނޑުގެ ލީޑެއް ހޯދާފައިވަނިކޮށް މެޗުގެ އިތުރު ވަގުތުގެ ތެރޭގައި ޔޫވީންވަނީ ދެ ލަނޑު ޖަހައި ފަރަގު ކުޑަކޮށްފައެވެ.
ޔޫވީގެ ފުރަތަމަ ލަނޑު ނުވަދިހަވަނަ މިނިޓްގައި ޖެހީ އަހްމަދު ބައްސާމުއެވެ. ދެވަނަ ލަނޑު އޭނގެ އިރުކޮޅެއް ފަހުން ޖެހީ އިސްމާއިލް އީސާއެވެ. ޔޫވީ އަދި މި ލީގުގައި އެއްވެސް މެޗަކުން މޮޅެއް ނުވެއެވެ.
އީގަލްސްއާ ޔޫވީ ވާދަކުރި މެޗުގެ މޮޅު ކުޅުންތެރިއަކަށް ހޮވުނީ އީގަލްސްގެ ފަހު ދެ ގޯލް ޖެހި ހަސަން ރާއިފުއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
