އެޗްޕީއޭއިން މިރޭ ބުނީ، އޮޅުވެލި ބީޗުން މިއަދު ޕޮޒިޓިވްވި 20 މީހުންނަކީވެސް އެރިޒޯޓުގައި މަސައްކަތް ކުރަމުން އަންނަ ސްޓާފުން ކަމަށެވެ. މިއާއިއެކު އެ ރިސޯޓުން މިހާތަނަށް ޕޮޒިޓިވްވި މީހުންގެ ޖުމްލަ އަދަދަކީ 24 އެވެ.
އޮޅުވެލި ބީޗުން އިތުރު ސާމްޕަލްތަކެއް ނެގީ އެންމެ ފުރަތަމަ އެ ރިސޯޓުން 3 މީހުން ޕޮޒިޓިވްވެ އެމީހުންނާއި ކޮންޓެކްޓްވި އެކަކު ޕޮޒިޓިވް ވުމުންނެވެ. އެގޮތުން މިހާތަނަށް އެ ރިސޯޓުން 167 ސާމްޕަލް ވަނީ ނަގާފައެވެ. އޭގެތެރެއިން މިއަދު 20 މީހުން ޕޮޒިޓިވް ވީއިރު އަދި 23 ސާމްޕަލްގެ ނަތީޖާ ޕެންޑިންގައި ހުރިކަމަށް އެޗްޕީއޭއިން ބުނެއެވެ.
އެޗްޕީއޭއިން ބުނީ އޮޅުވެލި ބީޗުން 24 މީހުން ޕޮޒިޓިވް ވުމާއި ގުޅިގެން ކޮންޓެކްޓް ޓްރޭސިންގެ މަސައްކަތް މިހާރުވެސް ކުރަމުން އަންނަ ކަމަށެވެ.
މިއަދު ޕޮޒިޓިވްވި 50 މީހުންގެ ތެރޭގައި ހިމެނެނީ މާލެއިން 19 މީހުންނާއި ރަށްރަށުން ތިން މީހެއްގެ އިތުރުން ރިސޯޓުތަކުން 28 މީހުންނެވެ.
މިއީ ފާއިތުވި 24 ގަޑިއިރުގެ ތެރޭގައި ނެގުނު 3129 ސާމްޕަލުން ޕޮޒިޓިވްވި 50 މީހުންނެވެ.
