ފައިޓާއަކީ ސިދާތު އަދި ރިތިކް ގުޅިގެން ސްކްރީނަށް ގެނައުމަށް މަސައްކަތް ކުރާތާ ދުވަސްތަކެއްވެފައިވާ ފިލްމެކެވެ. އެގޮތުން މި ފިލްމަކީ 2019 ގައި ސްކްރީނަށް އައި "ވާ" ފިލްމުގެވެސް ކުރިން މަޝްވަރާ ކުރެވެމުން އައި ފިލްމެކެވެ.
މި ފިލްމުގެ ބަޖެޓެއްގެ ގޮތުގައި 250 ކްރޯޑް ރުޕީސް ހަމަޖައްސާފައިވާ ކަމަށް ބޮލީވުޑްގެ އެކި ހަބަރު ތަކުން ރިޕޯޓު ކުރެއެވެ. މިއާއެކު މި ފިލްމު ވެގެންދާނީ އެންމެ އަގުބޮޑު ހިންދީ ފިލްމަށް ކަމަށް ބޮލީވުޑްގެ ރިޕޯޓު ތަކުން ބުނެއެވެ. އަދި އިންޑިއާގައި މިހާތަނަށް އުފައްދާފައިވާ އެންމެ އަގުބޮޑު ފިލްމުތަކުގެތެރޭގައި މި ފިލްމު ހިމެނިގެން ދާނެއެވެ.
މި ފިލްމުގައި ރިތިކް ފެނިގެންދާނީ އެއާ ފޯސްގެ ޕައިލެޓެއްގެ ރޯލުން ކަމަށް ރިޕޯޓުތަކުން ބުނެއެވެ. އަދި މިއީ އެކްޝަން ތްރިލާ ޖޯންރާގެ ފިލްމެކެވެ.
މި ފިލްމު ރިލީޒް ކުރުމަށް ނިންމާފައިވަނީ އަންނަ އަހަރުގެ ސެޕްޓެމްބަރު މަހު 30 ވަނަ ދުވަހުއެވެ.
