ހުޅުމާލެ ފޭސް 2 ގައި މޫދަށް އެރި އުޅުނު މީހަކު މަރުވެއްޖެ
ފާތިމަތު ޝައުސަން އަލީ
15 ޖެނުއަރީ 2021 - 16:37:59
ހުޅުމާލެ ފޭސް 2 ގައި މޫދަށް އެރި އުޅުނިކޮށް އުމުރުން ދުވަސްވީ މީހަކު މަރުވެއްޖެއެވެ.
ފުލުހުން ބުނީ މަރުވެފައިވަނީ އުމުރުން 86 އަހަރުގެ ދިވެހި ފިރިހެނެއް ކަމަށާއި އެ ހާދިސާގެ ރިޕޯޓު ފުލުހުންނަށް ލިބުނީ މިއަދު މެންދުރު 12:20 ހާއިރު ކަމަށެވެ.
ހުޅުމާލެ ހޮސްޕިޓަލާ ހަވާލާދީ ފުލުހުން ބުނީ، އެމީހާ ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށެވެ.
އަދި އެ ހާދިސާއާ ގުޅިގެން ބަލަންޖެހޭ ކަންތައް ބަލަމުންދާ ކަމަށް ފުލުހުން ބުންޏެވެ.
ހުޅުމާލެ ދެވަނަ ފިޔަވަހީގައި މީހުން އާބާދުވާން ފަށާފައިވާއިރު އެ ސަރަހައްދުގެ މޫދު ވަނީ އާންމުކޮށް ހުޅުވާލައިފަ އެވެ. މާލެ ސަރަހައްދުގައި އުޅޭ ގިނަ ބަޔަކު މޫދަށް އެރުމަށް ހުޅުމާލެ ދެވަނަ ފިޔަވަހީގެ ގޮޑުދޮށަށް މިހާރު ދެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް