ޔޫވީގެ ކޯޗަކަށް ސީޒަންގެ ނިޔަލަށް ސާންތީ މި ހަމަ ޖެއްސީ، ޔޫވީގެ ކޯޗުކަމުގެ މަގާމުގައި ހުރި މުހައްމަދު އާދަމް އެ މަގާމުން އިސްތިއުފާ ދިނުމުންނެވެ. ސާންތީގެ އިރުޝާދުގެ ދަށުން ޔޫވީ ކުޅޭނެ ފުރަތަމަ މެޗަކަށް ވެގެންދާނީ ބުރާސްފަތި ދުވަހުގެ ރޭ ޔޫވީއާ ދަ ގްރާންޑޭ ވާދަކުރާ މެޗެވެ. ޔޫވީ އަކީ މިހާތަނަށް ލީގުގައި މެޗަކުން މޮޅުނުވެ އޮތް ހަމަ އެކަނި ޓީމެވެ. ހަ މެޗު ކުޅުން އިރު ތިން މެޗުން ބަލިވެ ތިން މެޗުން އެއްވަރުވެ ޔޫވީ އޮތީ ތިން ޕޮއިންޓާ އެކު ޓޭބަލްގެ ފުލުގައެވެ.
ޔޫވީގެ ކޯޗުކަމުގެ މަގާމާ ސީޒަންގެ ނިޔަލަށް ހަވާލުވި ސާންތީއަކީ އެފްއޭއެމްގެ ޓެކްނިކަލް ޑައިރެކްޓަރުގެ މަގާމުވެސް ކުރިން އަދާކޮށްފައި ހުރި ތަޖުރިބާކާރު ކޯޗެކެވެ. ގައުމީ ޓީމުގެ އެސިސްޓެންޓް ކޯޗުގެ މަގާމުގައި ހުރެ ސާންތީވަނީ ސާފު ޗެމްޕިއަންޝިޕް ކާމިޔާބުކޮށްފައެވެ. ސާންތީ ކްލަބު ކެރިއަރުގައި ކޯޗެއްގެ ގޮތުގައި ބޮޑު ބައި ހޭދަކުރީ ކްލަބު އީގަލްސްއާ އެކުއެވެ. ސާންތީވަނީ 2016 ވަނަ އަހަރުގެ ގައުމީ ޗެމްޕިއަންކަން ކްލަބު އީގަލްސްއަށް ހޯދައިދީފައެވެ.
