ރަސްގެ ތީމުން ވެލާ ސަލާމަތްކުރުމުގައި ހަރަކާތްތެރިވި އެއްކުއްޖެއްކަމަށްވާ މަރިޔަމް ޝުހުދާ ބުނީ ވެލާ ސަލާމަތް ކުރީ މެންދުރު ފަހު ތިނެއްޖަހާކައްހާއިރު "ބީޗަށް ފިނިކޮށްލަން" ނުކުމެ އުޅެނިކޮށް ދާގަނޑެއްގައި ވެލައެއް އޮޅި ތާށިވެފައި އޮވެ އޮޔާ ދާތީ ކަމަށެވެ.
ވެލާ ސަމާލްތް ކުރީ މޫދަށް އެރި ދާގަނޑު ރާޅުކޮޅަށް ގެނެސްގެން ކަމަށްވެސް އޭނާ ބުންޏެވެ.
ޝުހުދާ ބުނީ ވެލާ އޮޔާ ދާތީ ސަލާމަތް ކުރަން ދިޔައިރު އެ ދުވަހަކީ އޮއި ވެސް ގަދަ ދުވަހެއް ކަމަށެވެ.
ވެލާ ސަލާމަތް ކުރި ނަމަވެސް ވެލާގެ އެއް އަތް އަތަށް އަނިޔާތަކެއް ވަނީ ލިބިފައެވެ.
އެ ކުދިން ވަނީ ވެލާ ސަލާމަތްކުރުމަށްފަހު މޫދަށް ދޫކޮށްލާފައެވެ.
ކަނޑުތަކަށް ކުނި އަޅާ މައްސަލަ މިހާރު ވަނީ ރައްޔިތުންގެ މަޖިލީހުގެ ސަމާލުކަމަށްވެސް އައިސްފައެވެ. އެ މައްސަލައިގައި ރައްޔިތުންގެ މަޖިލީހުގެ ރައީސް ވެސް ކަންބޮޑުވުން ފާޅުކުރައްވާފައިވާއިރު، ރާއްޖޭގައި އުޅޭ ކަނޑުގެ ދިރުންތަކަށް ރައްކާތެރިކުމުގައި އަވަސް ފިޔަޅުތަކަށް އަޅައި ކަނޑަށް ކުނިއެޅުން ހުއްޓުވަން ޖެހޭކަމަށެވެ. އަދި ކަނޑަށް ކުނި އަޅަނީ ގިނައިން ރިސޯޓުތަކުންކަމަށް ވެސް ތުހުމަތަކެއް ކުރެވިފައެވެ.
ރާއްޖޭގައި ތަރައްގީގެ ނަމުގައި މޫދާއި ކަނޑުގައި ދިރިއުޅޭ ދިރުންތައް އެކި ބޭނުންތަކުގައި ބޭނުންކުރަން އޮންނަ ޖާގައިގައި ކޮންކުރީޓުން ތަފާތު ބިނާތައް އެޅުމުން އޭގެ ގެއްލުން ދަނީ ނުހަނުބޮޑަށް ފޯރަމުންނެވެ.
މާފަރު އެއާޕޯޓަށް ވެސް ވަނީ 2019 ވަނަ އަހަރު ވެލައެއް އަރައި ބިސް އެޅުމަށް މަސައްކަތް ކޮށްފައެވެ. އެ ވެލާ ސަލާމަތް ކޮށްގެން ދޫކޮށްލި ނަމަވެސް އެ ވެލާ ވަނީ އަލުން އެރަށަށް އަރައި ބިސް އަޅަން މަސައްކަތް ކުރަން އުޅުމުގެ ތެރޭގައި މަރުވެފައެވެ.
