ދޭތެރެ ދޭތެރެއިން ޖީޖީ ދަރިފުޅުގެ "ސްނީކްޕީކް" ފޮޓޯއެއް އިންސްޓަގްރާމުގައި ހިއްސާކުރި ނަމަވެސް، ދަރިފުޅުގެ މޫނު މިހާތަނަށް ދައްކާލާފައެއް ނުވެ އެވެ. އަދި ރަސްމީ ސިފައެއްގައި ދަރިފުޅަށް ކިޔާ ނަން ވެސް އާންމު ކޮށްފައެއް ނުވެ އެވެ.
ސެލެބްރިޓީންގެ ފޮޓޯ އަދި ސޯޝަލް މީޑިއާ އައިޑީތަކުގެ ކުދިކުދި ކަންކަމަށް ބަލައިގެން ކަންކަން ހޯދަމުން އަންނަ މީހުން މިވަނީ މި ފަހަރު ވެސް މިކަމުގައި ކުރިއެއް ހޯދާފަ އެވެ. އެގޮތުން ޒޭން ވަރަށް ފަހުން ހިއްސަ ކުރި ފޮޓޯއެއްގައި އޭނާގެ އަތުގައި ޖަހާފައި އިން އާ ޓެޓޫއެއް ބައެއް ފޭނުންނަށް ވަނީ ފާހަގަވެފަ އެވެ.
އެގޮތުން ޒޭންގެ އަތުގެ ކުޑަހުޅުގައި އިން މި ޓެޓޫއަކީ އަރަބި ނަމެކެވެ. އެއީ "ޚައިި" އެވެ. މީގެ އިތުރުން ޖީޖީ ވެސް މި ވަނީ އޭނާގެ އިންސްޓަގްރާމް ބަޔޯ އަޕްޑޭޓްކޮށްފަ އެވެ. އެގޮތުން ޖީޖީގެ އިންސްޓަގްރާމް ބަޔޯގައި މިހާރު އޭނާއަކީ ޚައިގެ މަންމަ ކަމަށް ބުނެފައިވެ އެވެ.
ޖީޖީގެ އިންސްޓަގްރާމް ބަޔޯ އަދި ޒޭންގެ އާ ޓެޓޫ ---
މިއާއެކު "ޚައިި" އަކީ މި ދެތަރިންގެ ދަރިފުޅަށް ދީފައިވާ ނަންކަން މި ވަނީ ކަށަވަރުވެފަ އެވެ. އެގޮތުން މި ދެތަރިންގެ ދަރިފުޅަށް ނަން ދީފައިވަނީ ޖީޖީގެ މާމަ ޙައިރިޔާ ހަދީދް އަށް ނިސްބަތްކޮށް ކަމަށް ރިޕޯޓުތަކުން އަންނަނީ ބުނަމުންނެވެ.
