އިކޮނޮމިކް މިނިސްޓްރީން ގެނެއި މި ބަދަލާއިއެކު، މިއަދުން ފެށިގެން ސައިހޮޓާ، ކެންޓީން، ކެފޭ، ރެސްޓޯރަންޓް ފަދަ ކާބޯތަކެތީގެ ހިދުމަތްދޭ ތަންތަން ހުޅުވާފައި ބެހެއްޓޭނެ ގަޑިއަކީ ފަތިހު 4:30 އިން މެންދަމު 1:00 އަށް އަށެވެ.
އެ މިނިސްޓްރީން ބުނީ އެގޮތަށް ނިންމާފައިވަނީ، ކޮވިޑް-19 އިން ރައްކާތެރިވުމަށް އަޅާފައިވާ ހާއްސަ ފިޔަވަޅުތަކަށް ބަދަލު ގެނައުމާގުޅިގެން ކަމަށެވެ.
އެފަދަ ތަންތަން ހުޅުވާފައި ބެހެއްޓޭ ގަޑި އިތުރުކުރިއިރު އިކޮނޮމިކް މިނިސްޓްރީން ވަނީ ކަސްޓަމަރުންނަށް ހުޅުވާލައިގެން، ވިޔަފާރިކުރާ ފިހާރަތަކާއި ސައިހޮޓާ، ކެންޓީން، ކެފޭ، ރެސްޓޯރަންޓް ފަދަ ކާބޯތަކެތީގެ ހިދުމަތްދޭ ތަންތަނުން ހެލްތް ޕްރޮޓެކްޝަން އެޖެންސީން ކަނޑައަޅާ އުސޫލުތަކާއި އެއްގޮތަށް އަމަލުކުރުމަށް ވެސް އެދިފަ އެވެ.
މި ބަދަލު ގެނައުމުގެ ކުރިން އެފަދަ ތަންތަން ހުޅުވާފައި ބެހެއްޓެނީ ފަތިހު 5:00 އިން ރޭގަނޑު 11:00 އަށެވެ.
