މިއަދު އެޗްއޯސީގެ ޕްރެސްގައި ރާއްޖޭގައި ކޮވިޑްގެ ކޭސްތައް ގިނަ ވުމާ ގުޅިގެން އެޅި ފިޔަވަޅު ތަކު ތެރޭގައި ޕްރީ ސްކޫލްތަކާއި، ނާރސަރީތަކާއި، ޑޭކެއާ ހިދުމަތްދޭތަންތަން ބަންދުކުރުރަން ވަނީ ނިންމާފައެވެ.

އަދި ޔުނިވަރސިޓީ އަދި ކޮލެޖްފަދަ ތަންތަނުގައި ކުރިޔަށް އޮތް 2 ހަފްތާގައި އޮންލައިންކޮށް ކިޔަވައިދިނުމަށް ބަދަލުކުރުމަށް ވެސް ވަނީ ނިންމާފައެވެ. ނަމަވެސް ޕްރެކްޓިކަލް ސެޝަންތައް ކޮވިޑް-19 އިން ރައްކައުތެރިވުމުގެ ފިޔަވަޅުތަކާއި އެކުގައި އިންތިޒާމްކޮށްގެން ކުރިޔަށް ގެންދިޔުމުގެ ހުއްދަ ވަނީ ދީފައެވެ.

މީގެ އިތުރުން ކާފިއުގެ ވަގުތު ރޭގަނޑު 11 އިން ފެށިގެން ފަތިހު 4:30 އަށް ގްރޭޓަރް މާލެ އޭރިއާގައި ކާފިއު ކުރިޔަށް އޮތް 2 ހަފްތާއަށް ވަނީ އިތުރު ކޮށްފައެވެ.

އަދި ރޭނޑު 8:30 އިން ފެށިގެން ފަތިހު 4:30 އަށް ގްރޭޓަރް މާލެ ސަރަހައްދުގައި އެއްގަމު އެޗް.އީ.އޯ.ސީ، މޯލްޑިވްސް ޕޮލިސް އުޅަނދު ފަހަރު ދުއްވުން ކުރިޔަށް އޮތް 2 ހަފްތާއަށް މަނާކޮށްފައިވާ ކަމަށް ވެސް ޕްރެސްގައި ވަނީ ބުނެފައެވެ.

ރާއްޖޭގެ ސްކޫލުތަށް އެއްއަހަރު ދުވަހު މުއްދަތަކަށް މެދުކަނޑާލުމަށް ފަހު ޕްރީ ސްކޫލުން ފެށިގެން ކިޔެވުން ފަށާފައި ވަނީ މިއަހަރު ޖެނުވަރީ މަހުގެ 10 އެއްގައެވެ.