ތިނަދޫ ހޮސްޕިޓަލް
ބޮލަށް ސީލިންގް ވެއްޓި ކުޑަކުއްޖަކު އައިސީޔޫގައި
ފާތިމަތު ޝައުސަން އަލީ
06 ފެބްރުއަރީ 2021 - 14:46:34
ގދ. ތިނަދޫގައި ކުޑަ ކުއްޖެއްގެ ބޮލަށް ސީލިންގް ވެއްޓި، އަބްދުއް ސަމަދު މެމޯރިއަލް ހޮސްޕިޓަލުގެ އައިސީޔޫގައި ފަރުވާ ދެމުންދާ ކަމަށް އެ ހޮސްޕިޓަލުން ބުނެފިއެވެ.
Advertisement
އެ ހޮސްޕިޓަލުގެ މީޑިއާ އޮފިޝަލް ސާލިމް އަލީ ސީއެންއެމްއަށް މައުލޫމާތު ދެމުން ވިދާޅުވީ މިއަދު 11:30 ގައި ބޮލަށް ސީލިންގް ވެއްޓި އަނިޔާވެގެން ކުއްޖަކު ވަނީ ހޮސްޕިޓަލަށް ގެނެސްފައި ކަމަށެވެ.
އަދި ސީލިން ވެއްޓުނީ މަސައްކަތް ހުއްޓާލާފައި އޮތް ރިސޯޓަކަށް ދަތުރު ގޮސް އުޅުމުގެ ތެރޭގައި ހަދާ ނުނިމި ހުރި ރޫމެއްގެ ތެރޭގައި ސަކަރާތް ޖަހަމުން ދަނިކޮށް ކަމަށް ބުންޏެވެ.
މީގެ އިތުރުން ސާލިމް ވިދާޅުވީ އެ ހާދިސާގައި އަނިޔާވެފައިވަނީ 17 އަހަރުގެ ފިރިހެން ކުއްޖަކަށް ކަމަށާއި އޭނާއަށް ވަރަށް ބޮޑަށް އަނިޔާވެފައިވާ ކަމަށެވެ. އެގޮތުން ގިނަ ފްރަކްޗާތަކުގެ އިތުރުން ބޮލަށް ވެސް ބޮޑެތި ގެއްލުންތަކެއް ވެފައިވާ ކަމަށް ސާލިމް ވިދާޅުވި އެވެ.
މިހާރު ބޮލުގެ ސީޓީ ހެއްދުމަށް ފަހު ހާލަތު ސީރިޔަސް ކަމުން ވަނީ އައިސީޔޫއަށް ބަދަލުކޮށްފައި ކަމަށް ވެސް ސާލިމް ވިދާޅުވި އެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
