އިސްލާމިކް މިނިސްޓްރީން ބުނީ މިހިނގާ 1142 ވަނަ އަހރުގެ ފަގީރުންނާއި މިސްކީނުންގެ ދަފްތަރު އަލުން އެކުލަވާލުމަށް އެ މިނިސްޓްރީން މަސައްކަތް ފަށާފައިވާ ކަމަށެވެ. 

އެހެންކަމުން މާލެސިޓީގައި ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވާން އެދޭ ފަރާތްތަކަށް މިމަހުގެ ފެބްރުއަރީ 2021 21 އިން އަންނަ މާރިޗު 21ގެ ނިޔަލަށް ފޯމު ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ.

ދަފްތަރުގައި ރަޖިސްޓަރީ ވުމަށް އެދޭ ފޯމު މިއަދުން ފެށިގެން އެމިނިސްޓްރީގެ ވެބްސައިޓުންނާއި މިނިސްޓްރީގެ ކައުންޓަރުން ލިބެންހުންނާނެ ކަމަށް މިނިސްޓްރީން ބުނެއެވެ. ފޯމުހުށަހަޅަންޖެހޭނީޒަކާތު ތަފްތަރުގެ މެއިލްއަށް ހުރިހާ ލިޔެކިޔުންތަކާއެކު ކަމަށް ވެސް މިނިސްޓްރީން ބުނެއެވެ.