ރައްޔިތުންގެ މަޖިލީހުން ބުނީ ރާއްޖޭގައި މަސައްކަތްކުރަމުންދާ ގާނޫނުގެ ދަށުން އެކުލަވާލައި ޢަމަލުކުރަމުން އަންނަ ގަވާއިދެއްގެ ދަށުން ކަމުގައިވާތީ، ޓުއާ އޮޕަރޭޓަރުންނާއި ޓުއާ އެޖެންސީތަކަށް ހާއްސަ ޤާނޫނެއް އެކުލަވާލުމުގެ މަސައްކަތްކުރަމުންދާ ކަމަށެވެ. 

އެގާނޫނެއް އެކުލަވާލުމުގެ މަސައްކަތުގެ ތެރެއިން ޓުއާ އޮޕަރޭޓަރުންނާއި ޓުއާ އެޖެންސީތަކާއި، އަދި ކަމާގުޅުންހުރި ފަރާތްތަކުގެ ހިޔާލު ހޯދައި މަޝްވަރާކުރުމަށް ރައްޔިތުންގެ މަޖިލީހުގެ އިގްތިސާދީ ކޮމިޓީން ވާކްޝޮޕްއެއް ބޭއްވުމަށް ހަމަޖެހިފައިވާ ކަމަށް މަޖިލީހުން މައުލޫމާތު ދެއެެވެ. 

އެހެންކަމުން އެ ވާކްޝޮޕްގައި ބައިވެރިވުމަށް ބޭނުންފުޅުވާ ފަރާތްތަކުން، އެފަރާތްތަކުގެ މައުލޫމާތު (ނަން، އެޑްރެސް، އީމެއިލް އަދި ފޯނު ނަންބަރު) މިމަހުގެ 17 ވާ ބުދަ ދުވަހުގެ 12:00 ގެ ކުރިން މަޖިލީހުގެ އީމެއިލް އެޑްރެސްއަށް ނުވަތަ ރައްޔިތުންގެ މަޖިލީހުގެ އިދާރާއަށް ލިޔުމުން ފޮނުއްވައި ދިނުމަށް އެދޭކަމަށް މަޖިލީހުން ބުނެއެވެ.