ޑރ. ޝަހީދު މިހެން ވިދާޅުވީ، ރާއްޖޭގެ ސިޔާސީ މައިދާނަށް، ކުރީގެ ހޯމް މިނިސްޓަރު އުމަރު ނަސީރާއި ކުރީގެ ހާރިޖީ ވަޒީރު ދުންޔާ މައުމޫނާއި އެމްޑީޕީގެ ކުރީގެ ރައީސް ޑރ. ޑީޑީ ހިމެނިވަޑައިގަންނަވާގޮތަށް، ވަރުގަދަ އިސްލާހީ މޫވްމަންޓެއް އުފަންކުރުމުގެ މަސައްކަތް ކުރަމުން އަންނަ ކަމަށްބުނެ ރާއްޖޭގެ މީޑިއާއަކުން ޝާއިއު ކޮށްފައިވާ ހަބަރެއް ހިއްސާ ކުރައްވަމުންނެވެ.
ޑރ. ޝަހީދު ވިދާޅުވީ، ރާއްޖޭ އަލުން އިސްލާހުގެ މަގަށް އެޅުވޭނީ ބޭރުގެ ގައުމުތަކަށް ދަރާފައި ނުވާ، އުމުރުން 40 އަހަރުން ދަށުގެ ޒުވާނުންތަކެއް ނިކުމެގެން ކަމަށެވެ.
އުމަރު ނަސީރު ހިމެނިވަޑައިގަންނަވާގޮތަށް ވަރުގަދަ އިސްލާހީ މޫވްމަންޓެއް އުފަން ކުރުމަށް މަސައްކަތް ކުރަމުން އަންނައިރު، 2023 ވަނަ އަހަރުގެ ރިޔާސީ އިންތިހާބަށް ވާދަކުރެއްވުމުގެ މަސައްކަތް މިހާރުވެސް އުމަރު ނަސީރު އަންނަނީ ކުރައްވަމުންނެވެ. އެގޮތުން ދޭތެރެ ދޭތެރެއިން އެމަނިކުފާނު އަންނަނީ ކެމްޕެއިން ޖަލްސާތައް ވެސް ބާއްވަމުންނެވެ.
