ކޮވިޑް-19ގެ ހާލަތުގައި އަތޮޅުތަކުގެ ރަށްތަށް ބަނޑަށް ނުޖެހި ސަލާމަތްވީ މިހާލަތުގައި ދެވުނު އިންކަމް ސަޕޯޓްސް އެލަވަންސްއާއި އެސްއެމްއީ ލޯންފަދަ ބައެއް އެލަވަންސްތަކުގެ ސަބަބުން ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
Advertisement
ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިހާބަށް ސަރުކާރު ނިސްބަތްވާ އެމްޑީޕީން ކެމްޕެއިން ކުރުމަށްޓަކައި ރަށްވެހި ފަތިސް ކެންޑިޑޭޓުންނާއި ކެމްޕެއިން ޓީމްތަކާއިއެކު ބާއްވާ ބައްދަލުވުމުގައި މިރޭ ބައްދަލުކޮށްފައިވަނީ ނ. އަތޮޅުގެ ކައުންސިލްތަކާ އެވެ.
މިބައްދަލުވުމުގައި ވާހަކަ ދައްކަވަމުން ނ. އަތޮޅުގެ ތަރައްގީއަށް ކުރެވިފައިވާ ހޭދައިގެ ތަފްސީލް ހިއްސާކުރަށްވަމުން ރައީސް ސޯލިހް ވިދާޅުވީ، ނ. އަތޮޅުގެ ޕީއެސްއައިޕީއަށް 200 މިލިއަން ރުފިޔާ ހޭދަކުރެވިފައިވާ ކަމަށެވެ.
" 57 ދަރިވަރަކު މަތީ ތައުލީމް ހާސިލް ކުރަމުން އެބަދޭ އިންކަމް ސަޕޯޓް އެލަވަންސް 1363 މީހަކަށް 20 މިލިއަން ރުފިޔާ އަޅުގަނޑުމެން މިދިޔައަހަރު ތެރޭގައި ދެވިފައި އެބަވޭ ކޮވިޑާއި ގުޅިގެން އެސްއެމްއީ 21 ފަރާތަކަށް 28 މިލިއަން ރުފިޔާ ދެވިފައި އެބަވޭ އެ ރަނގަޅަށް ރަށުތެރޭގައި ދައުރުވާކަމަށް ވާނަމަ މިއީ ވަރަށް ބޮޑު އެއްޗެއް. އަޅުގަނޑު ހިތުން ރަށްރަށް މި ހިފެހެއްޓުނީ އަޅުގަނޑުމެންނަށް މިކަހަލަ ކިތަންމެ ކަމެއް ހުރީމަ" ރައީސް ސޯލިހް ވިދާޅުވިއެެވެ.
އެއާއެކު ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވަނީ އެ ހާލަތު ހިފެހެއްޓިފައިއޮތީ އިންކަމް ސަޕޯޓްސް އެލަވަންސްގެ ސަބަބުން ކަމަށް ވިދާޅުވެފައެވެ. އޭގަފަހުން ރައީސް ސޯލިހް ވަނީ ރަށްރަށުގެ މިހާލަތުގައި ރަށްރަށް ބަޑަށް ނުޖެހި ސަލާމަތްވީ އިންކަމް ސަޕޯޓްގެ އިތުރުން އެކަނިވެރި މައިންނަށް ދެވޭ އެލަވަންސާއި އުމުރުން ދުވަސްވީ މީހުންނަށް ދެވުނު އެލަވަންސް ތަކުގެ ސަބަބުން ކަމަށެވެ.
"އަދި އޭގެ އިތުރަށް ދެވޭ އެއްޗެއް އެބަހުރި، އެއީ އެކަނިވެރި މައިންނަށް، އަދި އުމުރުން ދުވަސްވީ މީހުންނަށް ދެވުނު އެލަވަންސް އެއީ އަޅުގަނޑުމެންނަށް ބަޑަށް ނުޖެހި ހާލުގައި ނުޖެހި ސަލާމަތްވީ އެހެންހުރި ކަންތަށްތަކެއްގެ ސަބަބުން މި ކޮވިޑް-19ގެ ހާލަތުގައި" ރައީސް ސޯލިހް ވިދާޅުވިއެެވެ.
