މިޑް ޓާމް ޗުއްޓީ އާއި ދިމާކޮށް، 7 އަހަރާއި 16 އަހަރާއި ދެމެދުގެ އުމުރުފުރާގެ ކުދިންނަށް އަމާޒުކޮށްގެން، ކުރިއަށް ގެންދިޔަ މި ޓްރެއިނިންގް ޕްރޮގުރާމުގައި ޖުމްލަ 23 ކުދިން ވަނީ ބައިވެރި ވެފައެވެ. އެއީ 22 ފިރިހެންކުދިންނާއި އަންހެން ކުއްޖެކެވެ. 

ޖުމްލަ 5 ދުވަހުގެ މުއްދަތައް ކުރިއަށްގެންދިޔަ މި ޕްރޮގުރާމުގައި، ފްރީސްޓައިލް ބޭސިކް ސްކިލްސް އާއި، ގްރައުންޑް މޫވްސްގެ އިތުރުން ސްޓްރީޓް ސޮކާ ސްކިލްސް އަދި ޓްރިކްސް ވަނީ ބައިވެރިންނަށް ދަސްކޮށްދީފައެވެ. އަދި ކޮންމެ ކުއްޖަކަށް ސެޓްފިކެޓްވެސް ވަނީ ހަވާލުކޮށްފައެވެ.

ހިރިލަންދޫގައި ސައިފް ކުރިއަށްގެންދިޔަ ފްރީ ސްޓައިލް ޓްރެއިނިންގް ކޭމްޕުގެ ތެރެއިން 

ސީއެންއެމްއަށް މައުލޫމާތު ދެއްވަމުން ސައިފް ބުނީ، މިއީ އޭނާގެ އޮފިޝަލް ބްރޭންޑްގެ ފަރާތުން އަތޮޅުތެރޭގައި ކުރިއަށް ގެންދިޔަ ފުރަތަމަ ޕްރޮގުރާމައް ވާއިރު، މި ޕްރޮގްރާމް ވަރަށް ކާމިޔާބު ކަމަށެވެ. އަދި މި ޕްރޮގްރާމަކީ އަމިއްލަގޮތުން ކުރިއަށްގެންދިޔަ ޕްރޮގުރާމަކަށް ވީނަމަވެސް ރަށުގެ ކައުންސިލްގެ ފަރާތުން ވަރަށް ބޮޑު އެއްބަރުލުމެއް ލިބުނުކަން ފާހަގަކޮށް ސައިފް ވަނީ ކައުންސިލަށް ޝުކުރު އަދާކޮށްފައެވެ. 

ހިރިލަންދޫގައި ސައިފް ކުރިއަށްގެންދިޔަ ފްރީ ސްޓައިލް ޓްރެއިނިންގް ކޭމްޕުގެ ތެރެއިން 

ފްރީސްޓައިލް ކުރިއެރުވުމަށް ސައިފްގެ އަމިއްލަ ބްރޭންޑެއް ރަޖިސްޓާކޮށް މާލޭގައިވެސް ސައިފް އަންނަނީ ކުދިން ތަމްރީން ކުރަމުންނެވެ. އަދި ކޮވިޑުގެ ހާލަތަށް ލުޔެއް ލިބުމާއިއެކު، އަތޮޅުތެރޭގެ އެހެން ރައްތަކުގައިވެސް މިފަދަ ޕްރޮގްރާމުތައް ހިންގުމަށް ވިސްނަމުން އަންނަކަމަށްވެސް ސައިފް ބުންޏެވެ.