ޗީފްއޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް
އިތުރުތިލަފަޅު މައްސަލަ، ސިފައިން ރިޝްވަތު ނަގާފައިވާނަމަ އެމައްސަލަ ހުށަހަޅުއްވާ: ޝަމާލް
އަބްދުﷲ ޒިޔާން އަލީ
16 މާރޗް 2021 - 23:07:31
އުތުރުތިލަފަޅު ތަރައްގީ ކުރުމަށް އިންޑިއާ ސަރުކާރާއި އެކުގައި ރާއްޖެ ސަރުކާރުން ވެފައިވާ އެއްބަސްވުމުގެ ދަށުން ސިފައިން އެއްވެސް މިންވަރަކަށް ރިޝްވަތު ނަގާފައިވާކަމަށް ތުހުމަތު ކުރެވޭނަމަ އެމައްސަލަ ހުށަހެޅުމަށް ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް އިލްތިމާސް ކުރައްވައިފިއެވެ.
Advertisement
މޭޖާ ޖެނެރަލް އަބްދުﷲ ޝަމާލް މިހެން ވިދާޅުވީ، އުތުރުތިލަފަޅު ތަރައްގީ ކުރުމަށް އިންޑިއާ ސަރުކާރާއި އެކުގައި ރާއްޖެ ސަރުކާރުން ވެފައިވާ އެއްބަސްވުންކަމަށް ބުނާ ލިޔެކިއުންތަކެއް ސޯޝަލް މީޑިއާގައި ދައުރުވަމުން އަންނައިރު، ދައުރުވަމުން އަންނަ ލިޔެކިއުންތަކަކީ ސައްހަ އެއްޗެށް ނޫންކަމަށް ބަޔާންކޮށް އެމްއެންޑިއެފްއިން މިއަދު ބޭއްވި ނޫސްވެރިންގެ ބައްދަލުވުމުގައެވެ.
ޝަމާލް ވިދާޅުވީ، ދައުރުވަމުން އަންނަ ސައްހަ ނޫން ލިއުމާއި ގުޅިގެން، ސިފައި 25 މިލިއަން ޑޮލަރުގެ ރިޝްވަތު ނަގާފައިވާކަމަށް އެބައޮތް ކަމަށާއި، އެއީ ކަނޑައެޅިގެން އެއްވެސް ހަގީގަތެއް ހުރި ވާހަކައެއް ނޫންކަމަށެވެ. އަދި އެފަދަ އެއްވެސް ތުހުމަތެއް އޮތްނަމަ އެމައްސަލަ ބެލުމަށް ކަމާބެހޭ ފަރާތްތަކަށް ހުށަހެޅުއްވުމަށް އިލްތިމާސް ކުރާކަމަށް ޝަމާލް ވިދާޅުވިއެވެ.
" ލިއުމާއި ގުޅޭގޮތުން އެބައޮތް 25 މިލިއަން ޑޮލަރުގެ ރިޝްވަތު ސިފައިން ނަގާފައި އޮތްކަމަށް، އެކަން ބައްލަވަން ހުށަހަޅުއްވާ.. މުޅި ލީޑާޝިޕްގެ ފަރާތުން އިލްތިމާސް ކުރަން އެކަން ބަލަން ހުށަހަޅުއްވަން މިހާރުން މިހާރަށް.. " ޝަމާލް ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
