ނިދި ހަމަ ނުކުރާނަމަ، ހަށިގަނޑުގެ ބައްޓަން ރީތިކުރަން ނުވަތަ ހިކެން ތިޔަ ކުރާ ހުރިހާ މަސައްކަތެއް މުޅިން އެއްކޮށް ބޭކާރު ވެދާނެއެވެ. އެކަން މި އާޓިކަލް ކިޔާލުމުން އެނގޭނެއެވެ.
ހިކެން މަސައްކަތް ކުރާ މީހާކު ނިދި ހަމަ ނުކުރާނަމަ، އޭގެ ނޭދެވޭ އަސަރު އެތައް ގޮތަކުން ކުރެއެވެ. ދިރާސާތަކުން ދައްކާގޮތުން ދުވާލެއްގެ މައްޗަށް 8 ގަޑީރުގެ ނިދި ހަމަކުރާނަމަ، ހަށިގަނޑުގެ ބަރުދަން ލުއި ކޮށްދިނުމަށްޓަކައި މެޓޮބޮލިޒަމް ރޭޓު އަވަސް ކޮށްދެއެވެ.
އެހެންކަމުން ނިދި ހަމަ ނުކުރާނަމަ މެޓޮބޮލިޒަމް ރޭޓް ލަސްވެ، އަރާމުކޮށްކަން އޮންނަ ވަގުތުގައި ހަށިގަނޑުން ކެލޮރީސް އަންދާ މިންވަރަށް ބަދަލު އައިސް ހިކެން ކުރާ މަސައްކަތް މުޅިން ފެނަށް ދެއެވެ.
2016 ވަނަ އަހަރު "ޔޫރަޕިއަން ޖާނަލް އޮފް ކްލިނިކަލް ނިއުޓްރީޝަން" ގައި އާންމުކޮށްފައިވާ ދިރާސާއަކުން ދައްކާގޮތުން، ރޭގަނޑުގެ ވަގުތުގައި ނިދި ހަމަ ނުކުރާ މީހުން، ޖެހިގެން ނަންނަ ދުވަހު އާންމުކޮށް އެމީހަކު ކައި އުޅޭ މިންވަރަށް ވުރެ ގިނައިން ކައެވެ. އެއީ އެވްރެޖްކޮށް ބަލާނަމަ 385 ކެލޮރީސް އިތުރަށެވެ. އަދި އެގޮތަށް ކައި އެކުމުގައި ރޭގަނޑު ނުނިދިގެން އުޅޭއިރު ގިނައިން ކެވެނީ ލުއި ކާނާއެވެ. ނަތީޖާއެއްގެ ގޮތުން އެމީހެއްގެ ހަށިގަނޑަށް ބޭނުންވާ މިންވަރަށް ވުރެ ފެޓް ގިނަވެ، ޕްރޮޓީން މަދުވެއެވެ.
ދުވާލެއްގެ މައްޗަށް އެވްރެޖްކޮށް 385 ކެލޮރީސް އިތުރު ވާނަމަ، ނުވަ ދުވަހުގެ ތެރޭގައި ހަށިގަނޑުގެ ބަރުދަން 500 ގުރާމު އިތުރުވާނެއެވެ. އަނެއްކޮޅުން އެމީހަކަށް ޑައިބެޓީސް އާއި ހައިޕާޓެންޝަން އާއި ހިތުގެ ބަލި ޖެހުމުގެ ފުރުސަތު ބޮޑުވެއެވެ.
އެހެކަމުން ހިކެން ބޭނުންވާ މީހާ، އަދި ހަށިގަނޑުގެ ބައްޓަން ރީތިކުރަން ބޭނުންވާ މީހާ އެންމެ މުހިންމުކަމެއް ދީގެން ކުރަންވީ ކަމަކީ ފާޑުފާޑުގެ ޑައިޓް ޖެއްސުމުގެ ބަދަލުގައި ނިދި ހަމަކުރުމެވެ.
