ފަރަށް އެރި ދޯނި
ފަންސާސް ޓަނު ޑީސަލާއެކު ދޯންޏެއް ފަރަށް އަރައިފި
ފާތިމަތު ޝައުސަން އަލީ
23 މާރޗް 2021 - 11:26:45
ފަންސާސް ޓަނުގެ ޑީސަލާއެކު ދޯންޏެއް ފަރަށް އަރައިފި ކަމަށް އެމްއެންޑީއެފްއިން ބުނެފި އެވެ.
Advertisement
ފަރަށް އަރާފައިވަނީ 50 ޓަނުގެ ޑީސަލް ބަރުކޮށްގެން މާލެއިން ފުރައިގެން ހއ. އަތޮޅަށް ދަތުރުކުރަމުންދިޔަ "ސްނޯ" ނަމަކަށް ކިޔާ ދޯންޏެއްކަމަށް ކަމަށް އެމްއެންޑީއެފް އިން މައުލޫމާދު ދެއެވެ.
އަދި އެ ދޯނީގައި ހުރި ޑީޒަލް އެއްވެސް ގޮތަކަށް ފަރުމަށްޗަށް ނޭޅޭ ކަމަށް ވެސް އެމްއެންޑީއެފްއިން ބުނެއެވެ.
އެ ދޯނި ފަރަށް އަރާފައިވަނީ ށ. ކީކިމީނިގައި ކައިރީ އޮންނަ ބޮލިސްތާ ފަރަށްކަމަށާއި، މިހާދިސާގެ މައުލޫމާތު އެމްއެންޑީއެފްއަށް ލިބިފައިވަނީ ރޭ ދަންވަރު 3:00 އެހާއިރުކަމަށް ވެސް ބުންފައި ވެއެވެ.
ދޯނި ފަރަށް އެރި ވަގުތު ދޯނީގައި ތިބީ ދެ ބިދޭސީންނާއި ދިވެއްސެއްކަމަށާއި، ދޯނި ފަރަށް އަރާފައިވާ ސަރަހައްދުގައި އެމްއެންޑީއެފް ނޮދަން އޭރިޔާ ކޯސްޓްގާޑު ސްކޮޑްރަންއިން ހަރަކާތްތެރިވަމުންދާކަމަށް އެމްއެންޑީއެފްއިން ވަނީ ބުނެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
