އޭނާ މިހެން ވިިދާޅުވީ ސިވިލް ސާވިސް ކޮމިޝަނުގެ ގާނޫނަށް ބަދަލު ގެނައުމަށް އައްޑޫ މީދޫ ދާއިރާގެ މެންބަރު ރޮޒައިނާ އާދަމް ހުށަހަޅުއްވާފައިވާ ބިލަށް ބަހުސް ކުރަމުންނެވެ.
ރޮޒައިނާ ހުށަހަޅުއްވާފައި ވަނީ ސިވިލް ސާވިސް ވަޒީފާތަކަށް މުވައްޒަފުން އައްޔަނުކުރުމުގައި ބަލަންވާނީ އެންމެ އިލްމީ ފެންވަރު ރަނގަޅު މީހުން އައްޔަނު ކުރުމަށާއި އިލްމީ ފެންފަރު ހަމަހަމަނަމަ އިސްކަން ދޭން ވާނީ އެދާއިރާއެއްގެ މަސައްކަތުގެ ފެންވަރާއި ތަޖުރިބާއަށް ރިއާޔަތް ކޮށްފައި ކަމަށް ބުނާ މާއްދާ އުވާލުމަށެވެ.
މި ބިލާ ދެކޮޅަށް ބަހުސް ކުރަމުން ހުސެއިން ވިދާޅުވީ، މަގާމުތަކަށް ބޭނުންވަނީ ކަމަށް ގާބިލު ތައުލީމާއި ތަޖުރިބާ ހުރި މީހުން ކަމަށާއި، ނަމަވެސް މި މާއްދާ އުވާލައިފިނަމަ މުއައްސަސާތަކުން ދެވޭ ހިދުމަތްތަކަށް ވަރަށް ބޮޑެތި އަސަރުތަކެއް ކުރާނެ ކަމަށާއި، ހިދުމަތްތައް ދިނުމުގައި އެތަކެއް ލަސްތަކެއް ހުންނާނެ ކަމަށެވެ.
އަދި މިއީ ކަމަށް ގާބިލުނޫން މީހުންނަށް ފުރުސަތު ހޯދައިދިނުމަށް ކުރާ ކަމެއް ކަމަށް އޭނާ ވިދާޅުވި އެވެ.
އެހެންނަމަވެސް ކޮމިޝަނުގައި ދެ އަންހެން ބޭފުޅުން ތިބުމަށް ހުށަހަޅާފައިވާ އިސްލާހަށް ތާއީދުކުރާ ކަމަށް އޭނާ ވަނީ ވިދާޅުވެފައެވެ.
ނަމަވެސް މިކަމާއި ދެކޮޅަށް އެމްޑީޕީގެ ބައެއް މެމްބަރުން ވާހަކަ ދައްކާފައިވާ ކަމަށާއި، އެއީ މި ސަރުކާރުގެ ވަޒީރުންގެ ގޮތުގައި ތިއްބެވި ބައެއް މެމްބަރުންގެ ފަރާތުން ކަނބަލުންނަށް ޖިންސީ ފުރައްސާރަ ކުރިމަތިވެފައި ވާތީ އާއި އެފަދަ ކަންކަމަށް ބާރު ލިބޭ ގޮތަށް ވާހަކަ ދައްކާފައި ވާތީ އެކަމަށް އިތުރު ހިތްވަރެއް ދިނުމުގެ ގޮތުން ކުރާ ކަމަކަށް ވެސް ވެދާނެ ކަމަށް ވެސް ހުސެއިން ވިދާޅުވި އެވެ.
