ދިވެހި ޕްރިމިއާ ލީގުގައި މި ސީޒަންގައި ޔޫވީން އަދި މިހާތަނަށް އެންމެ މެޗަކުންވެސް މޮޅު ނުވެއެވެ. މިހާތަނަށް ހުކުރު ދުވަހުގެ މެޗާއި އެކު ނުވަ މެޗު ކުޅެފައިވާއިރު އެންމެ މެޗަކުންވެސް މޮޅުނުވާއިރު، ތިން މެޗުން އެއްވަރުވެފައިވެއެވެ. ލީގު ޓޭބަލްގެ ފުލުގައި ޔޫވީ އޮތީ އެންމެ ތިން ޕޮއިންޓާ އެކުއެވެ. އެއީ އެވްރެޖްކޮށް ތިން މެޗުން ޕޮއިންޓެކެވެ.
މިދިޔަ އަހަރުވެސް ލީގުގައިވެސް ދަށް ނަތީޖާތަކެއް ނެރުނު ޔޫވީއަށް މި ސީޒަންގައި އަދި އެންމެ މެޗަކުންވެސް މޮޅެއް ނުވެއެވެ. ޔޫވީގެ ނަތީޖާތައް ދަށް ވުމުގެ ސަބަބުން އެ ޓީމުގެ ހެޑް ކޯޗުކަމުގެ މަގާމުގައި ސީޒަން ފެށުނު އިރު ހުރި މުހައްމަދު އާދަމްވަނީ މަގާމުން އިސްތިއުފާ ދީފައެވެ. މުހައްމަދު އާދަމް އިސްތިއުފާ ދިނުމުން މިހާރު ޔޫވީގެ ހެޑް ކޯޗަކަށް މަސައްކަތް ކުރަނީ ގައުމީ ޓީމުގެ އެސިސްޓެންޓް ކޯޗުގެ މަގާމު ކުރިން އަދާކުރި އިހްސާން އަބްދުލްޣަނީއެވެ. އިހުސާނު ހަވާލުވެގެންވެސް އަދި ޔޫވީއަކަށް މޮޅެއް ނުވެވެއެވެ.
