މިގޮތުން އިންޑިއާގެ ހަތް ސްޓޭޓަކަށް މިހާރު ވެސް އޮތީ ޔެލޯ އެލާޓު ނެރިފައެވެ.
އިންޑިއާގެ މޫސުމާ ބެހޭ އިދާރާއިން ވަނީ އެގައުމުގެ އިރުމަތީ ބައެއް ސްޓޭޓްތަކުގައި ދިރިއުޅޭ މަސްވެރިން މިމަހުގެ 29 ވަނަ ދުވަހުން ފެށިގެން 31 ވަނަ ދުވަހަހާއި ހަމައަށް ކަނޑަށް ނުނިކުތުމަށް ވެސް އިލްތިމާސް ކޮށްފައެވެ.
މީގެ އިތުރުން ސްރީލަންކާގެ މެޓް އޮފީހުން މިއަދު ބުނެފައިވަނީ، ވިއްސާރައާއި ވިދައި ގުގުރުމުގެ ފުރުސަތު މުޅި ގައުމުގެ އެކި ސަރހައްދުތަކަށް އެބައޮތް ކަމަށެވެ.
ލަންކާ މެޓް އޮފީހުން ބުނެފައިވަނީ މޫސުން ބޮޑަށް ގޯސް ވާނީ ލަންކާގެ މެދުތެރެއާއި ދެކުނު އަދި އިރުމަތީ ޕްރޮވިންސް ތަކަށް ކަމަށެވެ.
ސެޓްލައިޓް ފޮޓޯއިން ފެންނަ ގޮތުން ކޮޅިގަނޑު އުފެދިފައިވަނީ ސްރީލަންކާގެ އިރު ދެކުނުގައެވެ.
މީގެ އިތުރުން ދިވެހިރާއްޖޭގެ މެޓް އޮފީހުން ވެސް ވަނީ މޫސުމަށް ސަމާލުވުމަށް އެދިފައެވެ.
އެގޮތުން ރާއްޖޭގެ ދެކުނުގެ އަތޮޅުތަކަށް ހުޅަނގުދެކުނާއި ހުޅަނގުން ގަޑިއަކު 10 މޭލާ 20 މޭލާއި ދެމެދުގެ ބާރުމިނެއްގައި ވައި ޖެހޭނެ، އެހެން ހިސާބުތަކަށް އިރާއި އިރުދެކުނުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެކަމަށް މެޓް އޮފީހުން ބުނެއެވެ.
މެޓް އޮފީހުން ވަނީ މިއަދު ހަވީރު 16:30 22:00 އައްޑު އަތޮޅުން ފ. އަތޮޅަށް ވައިޓް އެލާޓު ވެސް ނެރިފައެވެ.
ދިޔަވަރު ބޮޑުވާގަޑީގައި ބައެއް ރަށްތަކަށް އުދައިގެ އަސަރުކުރުމަކީ އެކަށީގެންވާކަމެއް ކަމަށް ވެސް ރާއްޖޭގެ މެޓުން ބުނެއެވެ.