އައްލޫ ވަނީ އޭނާގެ މި މަސައްކަތުގައި އެހީތެރިވި އެންމެނަށް އަދި އޭނާގެ ފިލްމީ ކެރިއަރުގެ ފަހަތުގައި ތިބި އެންމެނަށް ވެސް ޝުކުރު އަދާކޮށްފަ އެވެ.
އައްލޫ ފިލްމީ ދާއިރާއަށް ތައާރަފުވީ 2003 ވަަނަ އަހަރު، ކޭ ރަގަވެންދްރަ ރާއޯގެ ފިލްމު، ގަންގޯތްރީ އިންނެވެ. އެއީ ހިޓްވި ފިލްމެކެވެ. އޭގެ ފަހުން އައްލޫ ފެނިގެންދިޔަ ގާތްގަނޑަކަށް ހުރިހާ ފިލްމަކީ ވެސް ހިޓް ފިލްމުތަކެވެ.
އައްލޫގެ ކުރިއަށް އޮތް މަސައްކަަތަކީ "ޕުޝްޕާ" އެވެ. އެ ފިލްމު ނެރެން ހަމަޖެހިފައި ވަނީ މިއަހަރުގެ އޮގަސްޓް މަހުގެ 13 ވަނަ ދުވަހު އެވެ.
އުމުރުން 37 އަހަރުގެ އައްލޫގެ ރީތިކަމުން އޭނާއަކީ އަންހެން ކުދިންގެ ހިތްތަކުގެ ރާޖާ އެވެ. އެކަމަކު އައްލޫގެ ހިތް އޮތީ ސެނަހާއަށް ލިބިފަ އެވެ. 2011 ވަނަ އަހަރު އައްލޫ އާއި ސްނެހާ ކައިވެނިކޮށްފައިވާއިރު އެ ކައިވެންޏަށް ދެ ކުދިން ވަނީ ލިބިފަ އެވެ. މިއީ ތަމަޅަ ފިލްމު އިންޑަސްޓްރީގެ އެންމެ މަގްބޫލު ޖޯޑެކެވެ.
އައްލޫ އާއި ސްނެހާ، ދަރިންނާއެކު--
އައްލޫ އަދި ބޮލީވުޑަށް ތައާރަފު ނުވިޔަސް އޭނާއަކީ ބޮލީވުޑުގެ ތަރިން ފަދައިން ގިނަ ބައެެއްގެ ލޯތްބާއި އިހުތިރާމު ހޯދާފައިވާ ތަރިއެކެެވެ. މިފަހުން ވަނީ އައްލޫ ވަރަށް އަވަހަށް ބޮލީވުޑަށް ނިކުމެދާނެ ކަމުގެ އިޝާރާތްތަކެއް ވެސް މީޑިއާތަކުގައި ރިޕޯޓްކޮށްފަ އެވެ. މިހެންކަމުން، ބޮލީވުޑުން އައްލޫ ނުފެންނާނެއޭ ބުނަން ދައްޗެވެ.
މިހާތަނަށް ބޮލީވުޑުގެ ފިލްމަކުން އޭނާ ނުފެނުން ނަމަވެސް އައްލޫއަކީ ހަމަ އެ ތަރިން ފަދައިން ބޮޑު އާމްދަނީއެއް ލިބޭ ތަރިއެކެވެ.
މިފަހުން ދިވެހިންގެ ތެރޭގައި އައްލޫގެ ނަން ވައިގައި ހިފިޔަސް، އެއީ އިންޑިއާގައި މީގެ އެތައް އަހަރެއް ކުރިން ވިދަމުން އައި ނަމެކެވެ. އެންމެން ވެސް މިހާރު ތިބީ އޭނާގެ ބޮލީވުޑުގެ ފެނިލުމުގެ އިންތިޒާރުގަ އެވެ.
