ދިއްފުށީ ހެލްތު ސެންޓަރުން ސީއެންއެމް އަށް މައުލޫމާތު ދެމުން ބުނީ އެރަށުން ފުރަތަމަ ޕޮޒިޓިވްވެފައި ވަނީ އުނގޫފާރުން އެރަށަށް ދިޔަ އެ ރަށު ސްކޫލު ކުއްޖަކާއި އޭނާގެ މަންމަ ކަމަށެވެ.
އަދި މިހާރު އެ ކޭސްއާ ގުޅިގެން 47 މީހުން ޕޮޒިޓިވްވެފައި ވާއިރުގައި 200 އަށް ވުރެ ގިނަ މީހުން ޑައިރެކްޓު ކޮންޓެކްޓުން ގޮތުގައި ވަނީ ދެނެގަނެވިފައި ކަމަށް ވެސް ހެލްތު ސެންޓަރުން ބުންޏެވެ.
އަދި އޭގެ ތެރޭގައި ގިނައީ ސްކޫލު ދަރިވަރުން ކަމަށާއި މިހާރު އެރަށުގެ ސްކޫލުގެ ކިޔެވުންވެސް ވަނީ ވަގުތީ ގޮތުން ހުއްޓާލައިފައި ކަމަށް ހެލްތު ސެންޓަރުން މައުލޫމާތު ދިނެވެ.
އުނގޫފާރު ކުލަސްޓާގެ އިތުރުން އެރަށައް ގޮސްފައިވާ ފަތުރުވެރިއަކުވެސް ވަނީ ކޮވިޑަށް ޕޮޒިޓިވްވެފަ އެވެ. އެމީހާއަކީ ޕީސީއާރު ނެގެޓިވް ހިފައިގެން ރާއްޖެ އައިސްފައިވާ މީހެއް ކަމަށް ވެސް ހެލްތު ސެންޓަރުން ފާހަގަކުރި އެވެ.
ދިއްފުށިން ކޮވިޑްގެ ކޭސްތައް ފެންމަތިވެ އެރަށް މޮނީޓަރިންނަށް ލާފައިވަނީ މިމަހުގެ 23 ވަނަ ދުވަހުގަ އެވެ.
