މޫދަށް ފޭބި ހަތަރު ސިފައިންގެ ތެރެެއިން ލާންސް ކޯޕަރަލް ފާރީޝް ގެއްލިފައިވާއިރު، އޭގެތެރެއިން އެކަކަށް މިހާރު ދަނީ ހޮސްޕިޓަލްގައި ފަރުވާދެމުންނެވެ. އޭނައަށް ފަރުވާދެމުންދަނީ ގެނބިގެން ކަަމަށް އެމްއެންޑީއެފްއިން ވަނީ މައުލޫމާތު ދީފައެވެ.
އެމްއެންޑީއެފްއިން މައުލޫމާތު ދީފައިވާ ގޮތުގައި ހޮސްޕިޓަލްގައި މިވަގު ފަރުވާ ދެމުންދާ ސިފައިންގެ މީހާ ގެނބުނީ، ގެއްލިފައިވާ ފާރިޝް އޮއިގަނޑެއްގައި ޖެހި އަޑިއަށް ދާތީ ސަލާމަތް ކުރުމަށް މަސައްކަތް ކުރުމުގެ ތެރެއިން ނެވެ. ނަމަވެސް ފާރިޝް ސަލާމަތް ކުރެވޭގޮތް ވަނީ ނުވެފައެވެ. އޮއިގަނޑުގައި ޖެހި ފާރީޝް ގެއްލުނުއިރު، ހޮސްޕިޓަލަށް ގެންދެވުނު ސިފައިންގެ މީހާގެ ހާލަތު އަންނަނީ ރަނގަޅުވަމުން ކަމަށް އެމްއެންޑީއެފްއިން ބުނެއެވެ.
ގެއްލުން ފާރިޝް ހޯދުމަށް ހުއްޓާނުލާ އެމްއެންޑީއެފް ސެންޓަރަލް އޭރިއާ ކޯސްޓް ގާޑުގެ ޑައިވަރުން އެ ސަރަހައްދުގައި ދަނީ ހަރަކާތްތެރިވަމުން ކަމަށް އެމްއެންޑީއެފްއިން މައުލޫމާތުދެއެވެ.
