އޭނާއަކީ ޕީޕީއެމްގެ ކައުންސިލް މެންބަރު ކަން ވެސް ކުރައްވާ ބޭފުޅެކެވެ.
އޭނާ މިއަދު މީޑިއާތަކަށް ދެއްވި އިންޓަވިއުއެއްގައި ވިދާޅުވީ، އޭނާއަށް ގުޅައި މަރާލާނެކަމަށް ބުނެފައިވަނީ ހދ. ކުމުންދޫ އަށް އަރައިފި ނަމަ ކަމަށެވެ.
ޓްރިވެންޑްރަމް ކޮންސިއުލޭޓުގައި ރައީސް އަބްދުﷲ ޔާމިންގެ ވެރިކަމުގައި އެނާ ވަނީ ކޮންސުލް މަގާމުވެސް ފުރުއްވާފައެވެ.
މަރުގެ އިންޒާރު ދިނީ އޭނާގެ ސްޕޮންސާއެއްގެ ދަށުން، ކުމުންދޫގައި ރައީސް ސާލިހާއި، މަކުނުދޫ ދާއިރާގެ މެންބަރު ރާއީގެ ފޮޓޯ ހުރި ބިނާއެއް ކުމުންދޫގައި އޭނާގެ ސްޕޮންސާގެ ދަށުން ހަދަމުން އަންނައިރު، އެއީ ސަރުކާރުން ތައްޔާރުކުރާ ބިނާ އެއްކަމަށް ބަޔަކު ދެއްކުމަށް މަސައްކަތް ކުރާކަމަށް އޭނާ ފޭސްބުކްގައި ބުނުމުން އެކަމާއި ހިތްހަމަނުޖެހިގެން ކަމަށް މިއަދު މީޑިއާތަކަށް ދެއްވި އިންޓަވިއުގައި އޭނާ ވަނީ ވިދާޅުވެފައެވެ.
އާދަމް އަށް މަރުގެ އިންޒާރު ދިން މައްސަލަ ވަނީ ފުލުހުންހުށަހަޅާފައެވެ. އަދި އެ މައްސަލަ ރެޖިސްޓާ ވެއްޖެކަމަށް ބުނެ ފުލުހުން މެސެޖުކޮށްފައިވާކަމަށް ވެސް އޭނާ ވަނީ މިއަދު ހާމަކޮށްފައެވެ.
