ކްރިމިނަލް ކޯޓުގެ އިސް ގާޒީ އަހުމަދު ހައިލަމް: ފޮޓޯ ސަން
ރޭހުގެ ކުރީގައި މުއިއްޒު، ހައިލަމް ވިދާޅުވަނީ ހައިރާން ނުވާކަމަށް
މަރިޔަމް ޝަހުދާ
10 އޭޕްރީލް 2021 - 23:09:06
ލޯކަލް ކައުންސިލް އިންތިހާބުގެ ވަގުތީ ނަތީޖާއިން ދައްކާ ގޮތުން، މާލޭ ސިޓީގެ މޭޔަރު ކަމުގެ ރޭހުން 61.32 ޕަސަންޓާއެކު ޑރ. މުހައްމަދު މުއިއްޒު ކުރި ހޯއްދަވަމުން ގެންދަވާއިރު، އެކަމާ ހައިރާން ނުވާ ކަމަށް ކްރިމިނަލް ކޯޓުގެ ކުރީގެ ގާޒީ އަހުމަދު ހައިލަމް ވިދާޅުވެއްޖެ އެވެ.
Advertisement
މާލޭ ސިޓީގެ މޭޔަރު ކަމުގެ ވަގުތީ ނަތީޖާ ހިއްސާ ކުރައްވަމުން ހައިލަމް ކުރެއްވި ޓުވީޓެއްގައި ވިދާޅުވީ، މި ފެނިގެން ދަނީ ސަރުކާރުން ކުރާ ވައުދުތައް ނުފުއްދުމުގެ ނަތީޖާ ކަމަށެވެ.
މީގެ އިތުރުން އިންތިހާބާއި ދިމާކޮށް، ފިހިގަނޑު ހިފައިގެން ނިކުމެ ރައްޔިތުން މޮޔަ ހެއްދުނީ މާޒީގައި ކަމަށް ހައިލަމް ވިދާޅުވިއެވެ.
އެންމެ ފަހުގެ ނަތީޖާ ތަކަށް ބަލާއިރު، މުއިއްޒު އަށް ވަނީ 9548 ވޯޓު ލިބިފައެވެ. އަދި އެމްޑީޕީ ކެންޑިޑޭޓު އަނަސް އަބްދުއްސައްތާރަށް 5757 ވޯޓު އަދި އަމިއްލަ ގޮތުން ވާދަ ކުރައްވާ އަލްހާން ފަހުމީއަށް 265 ވޯޓު ލިބިފައިވެއެވެ.
މާލެ ސިޓީ ނޫން ދެން ހުރިހާ ސިޓީތަކުގެ ވަގުތީ ނަތީޖާއިން މިވަގުތު ކުރީގައި އުޅެނީ އެމްޑީޕީ ކެންޑިޑޭޓުންނެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
