މިހާރު އެރަށުން ޕޮސިޓިވްވި މީހުންގެ ޖުމްލަ އަދަދު ވަނީ 12 އަށް އަރާފައެވެ.
އެރަށުން ޕޮސިޓިވްވެފައިވާ މީހުންނާއި ގުޅުންހުރި 90 ވަރަކަށް ސާމްޕަލް ނަގާފައިވާ ކަމަށާއި އޭގެ ތެރެއިން ނަތީޖާ ލިބުނީ އަދި 10 ވަރަކަށް ސާމްޕަލްގެ ކަމަށް މައުލޫމާތު ލިބެއެވެ.
ހަސަން ވިދާޅުވީ މިހާރު ވެސް ކޮންޓެކްޓް ޓްރޭސިންގެ މަސައްކަތް ކުރިއަށްދާ ކަމަށާއި، ކޮންޓެކްޓް ވެފައިވާ މީހުންގެ ސާމްޕަލްވެސް ކޮންޓެކްޓް ވިކަން އެނގޭ ވަރަކުން ނަގަމުންދާނެ ކަމަށެވެ.
އެރަށުން ތިން މީހަކު ޕޮސިޓިވް ވެގެން އެރަށް މޮނިޓަރިންގެ ހާލަތަށް ގެނެސްފައި ވަނީ މިމަހު 11 ވަނަ ދުވަހުގައެވެ.
ކިނބިދޫގެ ކޮވިޑް ޓާސްކް ފޯހުގެ ޗެއާމަން އަދި ހެލްތު ސެންޓަރުގެ ސީނިއާ އެޑްމިނިސްޓްރޭޓަރު މުހައްމަދު އާތިފް "ސީއެންއެމް" އަށް ވިދާޅުވީ، ޕޮޒިޓިވްވި ތިން މީހުންނަކީ 10 ވަނަ ދުވަހު ނެގި ރެންޑަމް ސާމްޕަލްތަކުން ޕޮޒިޓިވްވި ތިން މީހުން ކަމަށެވެ.
