ޖަޕާނުގެ ނޫހެއްގައި ރިޕޯޓުކޮށްފައިވާ ގޮތުގައި، ކޮކޯ-ޗޭން ކިޔާ މި ބުޅަލަށް އެއް ދުވަހަށް ޕޮލިސް ޗީފްގެ މަގާމު ދީފައިވަނީ މިދިޔަ އަންގާރަ ދުވަހު ބޭއްވުނު ރަސްމިއްޔާތެއްގައެވެ.
މިއީ ދުވަސްވީ މީހަކު ވަޅުގަނޑަކަށް ވެއްޓިފައިވާކަން، އެ ސަރަހައްދުގައި އުޅުނު މީހުނަށް އަންގާ، ކޮކޯ-ޗޭން އެމީހާގެ ފުރާނަ ސަލާމަތް ކުރުމުން، އެކަމަށް ޝުކުރު އަދާ ކުރުމުގެ ގޮތުން އެ ސަރަހައްދުގެ ފުލުހުން ބޭއްވި ހާއްސަ ރަސްމިއްޔާތެކެވެ.
މި ހާއްސަ ރަސްމިއްޔާތުގައި ކޮކޯ-ޗޭން އަށް ފުލުހުން ވަނީ ސެޓްފިކެޓެއްދީފައެވެ. އެއީ ނެއިބާހޫޑްގެ ރައްކާތެރިކަމަށް މަސައްކަތް ކޮށްދިނުމުން ދެ ސެޓްފިކެޓެކެވެ.
ކޮކޯ-ޗެން އަށް ދިން ސެޓްފިކޭތުގައި އޭގެ އަތުގެ ނިޝާން ޖަހާފައި ---
އެއް ދުވަހަށް ޕޮލިސް ޗީފް އަކަށް ވުމަށްފަހު، ކޮކޯ-ޗޭން ވަނީ އެ ސަރަހައްދުގެ ކުމާނޯ އެލަމަންޓްރީ ސްކޫލުގެ ޓްރެފިކް ސޭފްޓީ ކްލާހަކަށް ގޮސްފައި ކަމަށް އެނޫހުގައި ރިޕޯޓުކޮށްފައިވެއެވެ.
ކޮކޯ-ޗެންގެ ވެރިމީހާ ވަނީ، ކޮކޯ-ޗެން އަކީ ކުޑަކުދިން ސްކޫލަށް ދާ ވަގުތު އަބަދުވެސް ބޭރަށްދާ ބުޅަލެއް ކަމަށް ބުނެފައެވެ. އަދި އުއްމީދަކީ ކުރިއަށް އޮތްތާގައިވެސް ނުރައްކާތެރި ހާދިސާއެއް ހިނގައިފި ހާލަތެއްގައި ކޮކޯ-ޗެން އެކަން އޭނާގެ ސަމާލުކަމަށް ގެނައުން ކަމަށެވެ.
