14 އަދި 15 ވިލޭރޭގައި ހަނދު އެންމެ ފުރިހަމަކޮށް ހުންނަ މަންޒަރު ބަލަން ކޮންމެ ރެއަކުވެސް ގޮނޑުދޮށަށް މީހުންދާ މަންޒަރު ވަރަށް ގިނައިން ފެނެ އެވެ.
އަދި އެކި ކުލަކުލައިގެ ހަނދު ދެކިލަންދާ މީހުންގެ އަދަދުވެސް މަދެއް ނޫނެވެ. ހަނދުގެ ރީތި ކަމަށް ގިނަ ބަޔަކު ދިވާނާވެފައިވާ ކަން މިކަމުން ވެސް ހާމަވެއެވެ.
އެގޮތުން ފާއިތުވި 10 އަހަރުގެ ތެރޭގައި ސައިންސް ވެރިން އަންނަނީ ހަނދަށް އަންނަ ބަދަލުތަށް ބަލަމުން ނެވެ. އަދި ހަނދަށް އަރާފައިބާ ކުލަތައްވެސް ރިކޯޑް ކުރަމުން ނެވެ.
ހަނދުގެ ތަފާތު ކުލަތައް
އެގޮތުން މިހާތަނަށް 48 ކުލައެއްގައި ހަނދު ހުއްޓާ ސައިންސްވެރިން ވަނީ ފޮޓޯ ނަގާފަ އެވެ. އޭގެތެރޭގައި ފިޔާ ތޮށިކުލައިގެ ހަނދުގެ އިތުރުން ދަބު ކުލައިގެ ހަނދުވެސް ހިމެނެއެވެ.
ހަނދަށް އެކިކުލަ އެރުމުގައި ތަފާތު ސަބަބުތައް ހުރެއެވެ. އިރު ކޭތަ ހިފުމުންނާއި އިރަށް އަންނަ ބަދަލުތަކުގެ ސަބަބުންވެސް ހަނދަށް ތަފާތު ކުލަތަށް އަރަ އެވެ.
