ސީއެންއެމްއަށް އަހްސަންގެ ބޭނެ ބުނީ ލޯޔަރާ އަހްސަނާއި މިހާރު ބައްދަލު ވެއްޖެ ކަމަށެވެ. އަދި ލޯޔަރު ވަނީ އަހްސަނަށް ފުލުހުން ކޮށްފައިވާ އަނިޔާތަކުގެ ވާހަކަ އާއިލާއަށް ކިޔާދީފައި ކަމަށް އާއިލާއިން ބުނެއެވެ.
އަހްސަން ޑޮކްޓަރަށް ދައްކާފައިވާ ކަމަށް ލޯޔަރަށް ފުލުހުން އަންގާފައިވީނަމަވެސް، އާއިލާއިން ބޭނުންވަނީ އަހްސަން މާލެ ގެނެސް ޑޮކްޓަރަކަށް ދެއްކުމަށް އާއިލާއިން ބުނެއެވެ.
މިމައްސަލައިގައި ފުލުހުންނަށް ސީއެންއެމްއިން ގުޅުމުން ވެސް އަހުސަން ޑޮކްޓަރަށް ދައްކާފައިވާކަން ޔަގީންކޮށްދިނެވެ.
އަހްސަންއާއި ލޯޔަރު ބައްދަލުވި ނަމަވެސް އާއިލާއިން ބައްދަލުކުރަން އެދުމުން ފުލުހުން ބުނަމުންދަނީ ކޮވިޑްގެ ހަލަތުވީމައި ވަކި އުސޫލެއްގެ ދަށުން އެކަން ކުރަން ޖެހޭނެ ކަމަށް ކަމަށް އާއިލާއިން ބުނެެވެ.
އިހްސާން ބުނީ އެޗްއާރްސީއެމް އަދި ހިއުމަން ރައިޓްސް އާއި ގުޅިގެން އަހްސަން މާލޭގެ ހޮސްޕިޓަލަކަށް ގެނައުމުގެ މަސައްކަތް ކުރަމުން އަންނަ ކަމަށެވެ.
ފުލުހުން ބުނެފައި ވަނީ އަހްސަން ވަނީ މިމަހުގެ 12 ވަނަ ދުވަހުގައި ޑޮކްޓަރަށް ދައްކާފައި ކަމަށެވެ.
މިކަމާ ގުޅޭގޮތުން ލޯޔަރަށް ގުޅުމުން ފޯނު ނުނަގާތީ އޭނާގެ ބަހެއް އަދި ލިބޭގޮތެއް ނުވެއެވެ.
