ކަރިޝްމާ އޭނާގެ ކުރީގެ ފިރިމީހާ ސަންޖޭ ކޯރް އާ ކައިވެނިކޮށްފައި ވަނީ 2003 ވަނަ އަހަރު އެވެ. އަދި އެ ކައިވެންޏަށް 11 އަހަރު ފަހުން ކަރިޝްމާ 2014 އަހަރު ވަރިވާން ކޯޓަށް ހުށަހެޅުމުން އެންމެނަށް ވެސް ލިބުނީ ހައިރާން ކަމެކެވެ.
ކަރިޝްމާ އަދި ސަންޖޭގެ ކައިވެންޏަށް ދެ ދަރިން ވެސް ލިބިފައި ވާއިރު އެ ކައިވެނި ރޫޅާލަން ކަރިޝްމާއަށް މަޖްބުރުވީ އޭނާގެ ފިރިމީހާގެ އަނިޔާތަކަށް ކެތް ނުވެގެން ކަމަށް ކަރިޝްމާ ބުނެ އެވެ.އެގޮތުން ކައިވެނީގެ އެންމެ ކުރީކޮޅުން ފެށިގެން ވެސް ސަންޖޭ ކަރިޝްމާއަށް ވަރަށް އަނިޔާ ކުރާ ކަމަށް އޭނާ ކިޔާދިނެވެ. އަދި މޫނުމަތީގައި ހުންނަ އަނިޔާކޮށްފައިވާ ނިޝާންތައް އޭނާ މޭކަޕްކޮށްގެން ފޮރުވާކަމަށް ކަރިޝްމާ ކިޔާދިނެވެ.
ކަރިޝްމާ ކިޔާދިންގޮތުގައި ސަންޖޭ ވަނީ އޭނާގެ ރަށްޓެހިންގެ ގާތަށް ގަދަކަމުން ކަރިޝްމާ ފޮނުވުމަށް ވެސް މަސައްކަތް ކޮށްފަ އެވެ.
އަދި އެންމެ ފަހުން އެ އަނިޔާތަަކަށް ކެތް ނުކުރެވިގެން އޭނާ ވަރިއަށް އެދުނީ ކަމަށް ކަރިޝްމާ ކިޔާދިނެވެ.
ފިރިމީހާ އާ ވަކިވެގެން އުޅޭ އިރުގައި އޭނާގެ ދެ ދަރިންގެ ކަސްޓަޑީވެސް ލިބިފައިވަނީ ކަރިޝްމާއަށެވެ.
